काठमाडौं । सहिद स्मारक 'बी' डिभिजन लिग फुटबलमा रानीपोखरी कर्नर टिम आरसीटीले सहज जित निकालेको छ ।
बिहीबार भएको खेलमा १० खेलाडीमा सिमित आरसीटीले नयाँबस्ती युवा क्लबलाई ४-२ गोल अन्तरले पराजित गरेको हो ।
सातदोबाटोस्थित एन्फा कम्प्लेक्समा प्रतिस्पर्धात्मक बनेको खेलको छैटौं मिनेटमा अजित गुरुङले पेनाल्टीमा गोल गर्दै आरसीटीलाई अग्रता दिलाएका थिए ।
खेलको १९ औं मिनेटमा गणेश हमालले गोल गर्दै नयाँबस्तीलाई १-१ गोलको बराबरीमा फर्काए ।
खेलको ५० औं मिनेटमा सचु गुरुङले गोल गर्दै नयाँबस्तीलाई २-१ को अग्रता दिलाए ।
खेलको ६६ औं मिनेटमा सुरेन खवासले गोल गर्दै आरसीटीलाई २-२ को बराबरीमा ल्याए ।
६८ औं मिनेटमा आशिष चापागाईले रातो कार्ड पाएपछि आरसीटी १० खेलाडीमा समेटियो ।
खेलको ८३ औं मिनेटमा विश्व थापाले गोल गर्दै आरसीटीलाई ३-२ को अग्रता दिलाए ।
त्यसपछि खेलको ८५ औं मिनेटमा अजितले व्यक्तिगत दोस्रो गोल गर्दै आरसीटीलाई ४-२ को जित दिलाए ।
जितसँगै आरसीटी लिगको पाँचौं स्थानमा उक्लिएको छ ।
आरसीटीले ७ खेलमा ९ अंक जोडेको छ ।
नयाँबस्तीले ७ खेलमा ११ अंक जोडेको छ । नयाँबस्ती चौंथो स्थानमा रहेको छ ।
