नाडाल ७ वर्षपछि क्वाटरफाइनलमा
एजेन्सी । विश्व नम्बर दुई स्पेनिस स्टार राफायल नाडालविम्बल्डन टेनिसको क्वाटरफाइनलमा प्रवेश गरेका छन् ।
सोमबार राति भएको तेस्रो चरणमा चेक गणतन्त्रका जेरी भेसेलीलाई ३ – ० को सोझो सेटमा पराजित गर्दै नाडालले अन्तिम आठको यात्रा तय गरेका हुन् ।
सेन्टर कोर्टमा नाडालले भेसेलीमाथि ६-३,६-३ र ६-४ को सोझो सेटमा जित निकालेका हुन् । योसंगै ३२ बर्षिय नाडालले ७ बर्षपछि विम्बल्डन टेनिसको क्वाटरफाइनलमा स्थान बनाएका छन् । नाडालले यसअघि सन् २०११ मा क्वाटरफाइनल यात्रा तय गरेका थिए ।
दुई पटकको विजेता नाडालले अब पाँचौ बरियताका अर्जेन्टिनी जुवान मार्टीनसंग खेल्ने छन् । नाडालले सन् सन् २००८ र २०१० मा विम्बल्डन टेनिसको उपाधि जितेका थिए ।
यस्तै १२ औं बरियताका सर्बियन नोभाक जोकोभिकले पनि क्वाटरफाइनलको यात्रा तय गरेका छन् । जिकोभिकले रुसका करेन खाचानोभलाई ६-४,६-२ र ६-२ ले हराए ।
