एजेन्सी । कोपा अमेरिकी फुटबलको एक महत्वपुर्ण खेल आज (आईतबार) राति हुदैछ । त्यही खेलले युरोपेली क्लब फुटबलका सबै भन्दा सफल खेलाडी लियोनल मेस्सी र उनी प्रेरित अर्जेन्टिनाको भाग्य निर्धारण गर्नेछ । अर्थात कोपा अमेरिकी फुटबलमा अर्जेन्टिना अघि बढ्छ वा घर फर्कन्छ, त्यसको तय आज राति हुनेछ ।
अर्जेन्टिनाको भाग्यको निर्धारण धेरै हदसम्म एसियाको बलियो टिम कतारले गर्ने प्रर्दशनमा निर्भर रहनेछ । त्यसैले पनि अर्जेन्टिनी टिम कतारसंग शतर्क भएर खेल्नेछ ।
खेलअघि कतारी प्रशिक्षकले आफुहरु मेस्सीसंग सेल्फी खिच्न मात्र नआएको भन्दै अर्जेन्टिनी टिमलाई चेतावनी दिईसकेका छन् ।
कतारसंगको जितले मात्र अर्जेन्टिना ढुक्के हुने अवस्था छैन । अरु नतिजा समेत निर्णाय बन्नेछन् । तर मुख्य बिषय अहिले मेस्सी प्रेरित अर्जेन्टिनालाई स्पष्ट जित चाहिएको छ । सके अझ धेरै गोल अन्तरको जित । त्यसले अर्जेन्टिनालाई कोपा अमेरिका फुटलबको क्वाटरफाईनलमा पुर्याउनेछ ।
समुह बीको खेलमा अर्जेन्टिनाले कतार र कोलम्बियाले पाराग्वेसंग खेल्नेछ । अर्जेन्टिनाको जित र पाराग्वेको हारले मेस्सीको टिमलाई सहजै क्वाटरफाईनल पुर्याउनेछ । तर अर्जेन्टिनाको बराबरीको नतिजाले मात्र लियोनल मेस्सीको टिम दक्षिण अमेरिकी फुटबलको ठुलो प्रतियोगिताबाट बाहिर हुनेछ ।
समुह बीमा अर्जेन्टिना मात्र एक अंक जोड्दै तालिकाको पुछारमा छ । समान अंक भएपनि गोल अन्तरका आधारमा कतार तेस्रो स्थानमा छ । दुवै खेल जितेको कोलम्बिया ६ अंक सहित शीर्ष स्थानमा छ । दुई बराबरी खेलेको पाराग्वे २ अंक सहित दोस्रो स्थानमा छ ।
-1746894755.jpeg)
