काठमाडौं । शीर्ष डिभिजनको क्लब मछिन्द्रका लागि गत बर्षको लिग सुखद रहेन । अन्तिमबाट दोस्रो स्थानमा रहदै मछिन्द्रले लिगको अन्त्य गरेको थियो ।
लिगका सुरुवाती पाँच खेलपछि मछिन्द्रले मुख्य प्रशिक्षक धनेश्वर प्रजापतीलाई बर्खास्त ग¥यो । लगत्तै क्लब हेर्ने जिम्मेवारी निशान श्रेष्ठले पाए । लिग अवधिभर उनैले टिम हेरे । उनै निशान अहिले काठमाडौँमा जारी चौथौ संस्करणको ललित स्मृति यु–१८ च्याम्पियनसिपमा मछिन्द्र क्लबको प्रशिक्षकको जिम्मेवारीमा छन् ।
गत बर्षको लिगमा गोलको खडेरी ब्यहोर्नु परेको मछिन्द्रले ललित स्मृतिमा भने गोलका लागि धेरै प्रतिक्षा गर्न परेन । मछिन्द्रले आफ्नो पहिलो खेलमै तीन अंक बटुल्न सफल रह्यो । गत बर्षको लिगको उपविजेता संकटाको युथ टिमलाई मछिन्द्रले पहिलो खेलमै ४–० ले हरायो ।
सुरुवाटै उत्कृष्ट खेल पस्केको मछिन्द्रले पहिलो हाफमा २ तथा दोस्रो हाफमा थप २ गोल गरेको थियो । मछिन्द्रका कार्लोस बखरीयाले ह्याट्रिक गरेका थिए ।
अघिल्ला तीन सिजन खासै राम्रो प्रदर्शन गर्न नसकेको मछिन्द्र यस पटक भने केही राम्रो नतिजा निकाल्ने लक्ष्यमा छ । मछिन्द्रले त्यसको तयारी समेत गरेको छ ।
‘प्रतियोगिताका लागि टिमको आत्मविश्वास एकदमै बढी छ । हामीले अरु भन्दा केही बढी तयारी समेत गरेका छौ ।’ उनले खेलपाटीसंग भने ।
निशानसंग ए र बीको लाईसेन्स छैन । तर उनले आफु भन्दा निकै सिनियर खेलाडीलाई प्रशिक्षण गराएका छन् । लिगमै उनले घरेलु फुटबलका स्टार विशाल राई, उत्तम गुरुङ, र दिप कार्की जस्ता खेलाडीलाई प्रशिक्षण दिईसकेका छन् । त्यसैले पनि उनलाई युथ टिम हेर्नमा दबाब छैन ।
‘सिनियर र जुनियर टिम हेर्दा धेरै फरक हुन्छ । सिनियर टिमको क्षमता धेरै हुन्छ भने जुनियर खेलाडीको हुदैन । खेल्ने शैली र तरिका धेरै फरक हुन्छ । त्यसैले जुनियर टिमलाई हेर्न सजिलो छ ।’ उनी भन्छन् ।
यस पटक मछिन्द्रको युथ टिमको लक्ष्य ललित स्मृति च्याम्पियनसिपको उपाधि हात पार्नु हो । अघिल्ला तीन संस्करणमा पहिलो चरणबाट बाहिरिएको मछिन्द्रले यसपटक उपाधि जित्ने लक्ष्य बनाएको छ ।
‘सुरुवाटै उपाधि लक्ष्य सहित अघि बढेका छौ । क्लबले विश्वास पनि गरेको छ । सुरुवाती खेलनै प्रभाव छाड्न सफल भएका छौ । टिमको आत्मविश्वास उच्च छ । प्रतियोगिता अवधिभर पहिलो खेलको जस्तो प्रर्दशनलाई निरन्तरता दिदै उपाधि जित्न कोशिश गर्नेछौ ।’ उनले थपे ।
-1746894755.jpeg)
