काठमाडौ । सहिद स्मारक सी डिभिजन लिग छनोट खेलमा रियल फुटबल क्लब र बागमती युवा क्लब विजयी भएका छन् । सोमबार सातदोबाटोस्थित एन्फा कम्प्लेक्समा भएको खेलमा समुह ईबाट च्याम्पियन ब्बाइज, समुह एफबाट चर्च ब्वाइज दोस्रो चरणमा प्रवेश गरे ।
दिनको पहिलो खेलमा समुह ईबाट रियल फुटबल क्लबले हलेसी टुवाचुङ्ग फुटबल क्लबलाई ४–० गोल अन्तरले पराजित गर्याे । खेलमा जित निकाले पनि रियल फुटबल क्लब दोस्रो चरणमा प्रवेश गर्न सकेन ।
समुहमा सत प्रतिशत जित निकालेको च्याम्पियन ब्वाइज दोस्रो चरणमा प्रवेश गर्योे । रियलको ३ अंक रह्यो भने हलेसीको अंक विहिन रह्यो ।
यस्तै समुह एफमा आज भएको खेलमा चर्च ब्वाइज युनाइटेड फुटबल क्लब र बनेपा फुटबल क्लबले २–२ को बराबरी गरे । बराबरीसँगै समुह एफबाट चर्च ब्वाइज दोस्रो चरणमा प्रवेश गर्यो । समुह एफ बाट चर्च ब्वाइजको ४ बनेपाको २ र विराटको १ अंक रह्यो ।
सोमबारनै भएको अन्तिम खेलमा एक गोलले पछि परेको बागवती युवा क्लबले बीआर ब्रदर्श फुटबल क्लबलाई ४–१ गोल अन्तरले पराजित गर्याे । बागमतीको जितमा याङ्गदोर्जी थिङ्गले ह्याट्रिक गरे । जितसँगै समुह आईमा बागमती युवा क्लबले महत्वपुर्ण ३ अंक जोड्यो ।
अखिल नेपाल फुटबल संघ एन्फाको आयोजनामा सञ्चालन भईरहेको छनोट प्रतियोगितामा ३८ टिमले सहभागीता जनाएका छन् । १२ टिमका विजेता टिमले दोस्रो चरण प्रवेश गर्नेछन् । यस्तै प्रतियोगिताबाट ३ टिम सी डिभिजनमा छनोट हुनेछन् ।
समुह ए बाट सरस्वतीनगर स्पोर्टस क्लब, समुह बीबाट इमाडोल युवा क्लब र सी समुहबाट झापा फुटबल क्लब, समुह डीबाट याक्टिभ स्पोर्टस् काउन्सिल, समुह ईबाट च्याम्पियन ब्बाइज सेटीओपी र समुह एफबाट चर्च ब्वाइज युनाइटेड फुटबल क्लब दोस्रो चरणमा प्रवेश गरिसकेका छन् ।
