एजेन्सी । एकदिवसीय अन्तराष्ट्रिय क्रिकेटको प्रतिशतको आधारमा जित निकाल्ने राष्ट्रको सूचीमा नेपाल टेष्ट राष्ट्र इंग्ल्याण्ड भन्दा अघि रहन सफल भएको छ ।
अन्तराष्ट्रिय क्रिकेट स्कोर तथा तथ्यांक राख्ने वेबसाइड 'हावस्टाट'ले सार्वजनिक गरेको सूची अनुसार नेपालले इंग्ल्याण्डलाई पछि पारेको हो ।
हावस्टाटले सन् १९७१ देखी २०१९ सम्म एकदिवसीय क्रिकेटमा जित निकाल्ने २० राष्ट्रको प्रतिशतको सूचीमा नेपाल छैटौं स्थानमा रहन सफल भएको छ । एकदिवसीय क्रिकेटको वरियतामा शीर्ष स्थानमा रहेको इंग्ल्याण्ड सातौं स्थानमा रहेको छ ।
प्रतिशतको आधारमा नेपालले ७ टेष्ट राष्ट्रलाई पछि पारेको छ । गत वर्ष एकदिवसीय अन्तराष्ट्रीय मान्यता पाएको नेपालले ६ खेलमा ३ जित र ३ हारका साथ ५० प्रतिशत जित हासिल गरेको छ । इंग्ल्याण्डले ७२९ खेलमा ३६३ जितसहित ५० प्रतिशत नै जित निकालेको छ ।
प्रतिशतको आधारमा जित निकाल्ने राष्ट्रको सूचिको शीर्षमा दक्षिण अफ्रिका रहेको छ । उसले ६१० खेलमा ३७८ जित हात पार्दा ६२ प्रतिशत जित निकालेको छ । यस्तै अष्ट्रेलिया ६१ प्रतिशतसहित दोस्रो, पाकिस्तान ५२ प्रतिशतसहित तेस्रो, भारत ५२ प्रतिशतसहित चौंथो र अफगानिस्तान ५१ प्रतिशत जितसहित पाँचौं स्थानमा रहेका छन् ।
नेपालभन्दा पछाडी इङल्याण्ड, वेष्ट इण्डिज, श्रीलंका, न्युजिलाण्ड, आयरल्याण्ड, पीएनजी, नेदरल्याण्ड, स्कटल्याण्ड, हङकङ, बंगलादेश, केन्या, युएई, जिम्बाबे र क्यानाडा रहेका छन् ।
