एजेन्सी । जर्मन बुन्डेस लिगा फुटबलमा उपाधि दाबेदार क्लब बोरुसिया डर्टमण्ड पराजित भएको छ । शनिबार भएको खेलमा डर्टमण्ड शाल्केसंग ४-२ गोल अन्तरले पराजित भएको हो ।
घरेलु मैदानमा सुरुवाती अग्रता जोगाउन नसक्दा ९ खेलाडीमा सिमित डर्टमण्ड पराजित भएको हो । शाल्केलाई जित दिलाउन ड्यानियल कालिगुईरीले दुई गोल गरे । यस्तै सालिफ शाने र ब्रिल इम्बोलोले एक एक गोल गरे ।
डर्टमण्डका मारियो गोट्जे र एलेक्स विसलले एक एक गोल फर्काए । यस्तै दोस्रो हाफमा मार्को रिउस र मारिउस उल्फले रातो कार्ड पाएपछि घरेलु टोली ९ खेलाडीमा समेटिएको थियो ।
खेलमा डर्टमण्डका जाडोन सान्चोलाई विपक्षि टिमका समर्थकले लाइटरले प्रहार गरेका थिए । जसको कारण सान्चोलाई चोट लागेको थियो ।
यो हारसंगै डर्टमण्डको उपाधि होड कमजोर बनेको छ । डर्टमण्डको हारले वायर्न म्युनिखलाई भने फाइदा पुगेको हो ।
शीर्ष स्थानको वायर्नको ३० खेलबाट ७० अंक छ । ३१ खेल खेलेको डर्टमण्डको ६९ अंक छ ।
