एजेन्सी । अन्तराष्ट्रिय क्रिकेट परिषद (आईसीसी) ले अर्को महिनाबाट सुरु हुने आईसीसी एकदिवसीय विश्वकप क्रिकेटका लागि अम्पायरहरुको घोषणा गरेको छ ।
आईसीसीले शुक्रबार विश्वकप खेलाउने १६ अम्पायर र ६ म्याच रेफ्रीगरि २२ अफिसियलको घोषणा गरेको हो । आईसीसीले घोषणा गरेको अम्पायरहरुमा पुर्व विश्वकप विजेता टोलीका सदस्यहरु डेभिड बोन,कुमार धर्मसेना र पाउल रिफेल लगायत रहेका छन् ।
विश्व क्रिकेटको कुम्भमेला विश्वकप इंग्ल्यान्ड र वेल्समा आगामी मे ३० बाट १४ जुलाईसम्म हुनेछ । विश्वकप क्रिकेटमा सहभागी सबै १० राष्ट्रको टुंगो लागिसकेको छ ।
यस संस्करणमा आयोजक इंग्ल्यान्डसंगै भारत, न्युजिल्याण्ड, दक्षिण अफ्रीका, अष्ट्रेलिया,पाकिस्तान, बंगलादेश,श्रीलंका, वेष्ट इण्डिज र अफगानिस्तानले प्रतिस्पर्धा गर्ने छन् ।
विश्वकपमा कुल ४८ खेल हुनेछ ।
म्याच रेफ्री - कृष् ब्रोड, डेभिड बोन, एण्डी पेक्रोफ्ट, जेफ क्रोवे,रन्जन मदुगल्ले,रिची रिचर्डसन
अम्पायर - अलिम डार, कुमार धर्मसेना, मराइस इरास्मुस,कृष् गफाने, इयन गोउल्ड, रिचार्ड इलिङवोर्थ, रिचार्ड केट्लब्रो, निगेल लोङ, ब्रुस ओक्सेनफोर्ड, सुन्दारम रभी, पाउल रिफिल, रोड टुकर, जोएल विल्सन, माइकल गौघ, रुचिरा पल्लियागुरुगे र पाउल विल्सन
