पुरुष रिलेमा एपीएफलाई स्वर्ण

दाङ । आठौं राष्ट्रिय खेलकुद अन्तर्गत ४ गुणा ४ सय मिटर रिले दौडको पुरुषमा एपीएफ क्लबले स्वर्ण जितेका छन् ।

दाङको बेलझुन्डीमा आइतबार आशिस चौधरी, सत्य बहादुर बुढा, शिवराज पार्की र निर प्रताप महतो रहेको एपीएफले निर्धारित दुरी ३ मिनेट २४ दशमलब ०९ सेकेन्डमा पुरा गर्दै स्वर्ण जितेको हो ।

यस्तै चेत नारायण ढनेत, जीवन चौधरी, अशोक कुँवर र आनन्द देव चौधरी रहेको आर्मीले निर्धारीत दुरी ३ मिनेट २५ दशमलब ३२ सेकेण्डमा पुरा गर्दै रजत हात पारेका छन् ।

सिमान्त पाण्डे, माधब कुमार चौधरी, निरज कुमार चौधरी र सर्वण कुबेर रहेको प्रदेश ५ ले ३ मिनेट ३० दशमलब २५ सेकेण्डको समय निकाल्दै कास्य पदक जिते ।

महिलातर्फ आर्मीले स्वर्ण, एपीएफले रजत र प्रदेश ५ ले कास्य जितेको छ ।