अजितले दिलाए नेपाललाई ऐतिहासिक स्वर्ण

काठमाडौं । नेपालका अजितकुमार यादवले तेश्रो एसियाली युथ एथलेटिक्स च्याम्पियनसिपमा स्वर्ण पदक जितेका छन् । 

हङकङमा आइतबार  ३ हजार किलोमिटर दौडमा अजितले नेपाललाई स्वर्ण पदक दिलाएका हुन् । स्वर्ण जित्ने क्रममा अजितले भारत र यमनका खेलाडीलाई पछि पारे । अजितले निर्धारित दूरी ८ मिनेट ३०.३२ सेकेण्डमा पुरा गरे । यो स्पर्धामा अजितको व्यक्तिगत उत्कृष्ट प्रदर्शन ८ मिनेट ४४ सेकेन्ड रहेको छ ।

दोस्रो भएको भारतका अमितले ८ मिनेट ३६.३४ सेकेण्डको समय निकाल्दा तेस्रो भएका यमनका गुमिल अल हमातीले ८ मिनेट ३८.६० सेकेण्डको समय निकाले ।