एजेन्सी । इङ्ग्लिश प्रिमियर लिग फुटबलमा म्यानचेस्टर युनाइटेडले जित निकालेको छ । शनिबार भएको खेलमा युनाइटेडले साउथह्याम्पटनलाई ३-२ गोल अन्तरले पराजित गरेको हो ।
साउथह्याम्पटनको मैदानमा सुरुवाती अग्रता उल्टाएर युनाइटेडले जित निकालेको हो । युनाइटेडको जितमा रोमेरो लुकाकुले दुई तथा आन्द्रियास पेरेइराले एक गोल गरे । साउथह्याम्पटनका यान भालेरी र जेम्स वार्डले एक एक गोल गरे ।
पहिलो हाफको २६ औं मिनेटमा भालेरीले गोल गर्दै साउथह्याम्पटनलाई सुरुवाती अग्रता दिलाए । पहिलो हाफमा १-० ले पछि परेको युनाइटेड दोस्रो हाफमा खेलमा फर्कियो ।
खेलको ५३ औं मिनेटमा आन्द्रियासले गोल गर्दै युनाइटेडलाई खेलमा फर्काए । खेलको ५९ औं मिनेटमा लुकाकुले गोल गर्दै युनाइटेडलाई २-१ को अग्रता दिलाए ।
तर, खेलको ७५ औं मिनेटमा वार्डले गोल गर्दै खेल २-२ को बराबरीमा ल्याए । त्यसपछि खेलको ८८ औं मिनेटमा लुकाकुले व्यक्तिगत दोस्रो गोल गर्दै युनाइटेडलाई ३-२ को महत्वपूर्ण जित दिलाए ।
यस्तै खेलको इन्जुरी समयमा युनाइटेडका पाउल पोग्बाले पेनाल्टीमा गोल गर्न सकेनन् ।
जितसंगै युनाइटेडले अवे खेलमा पराजित यात्रा राखेको छ । र, युनाइटेड लिगको चौंथो स्थानमा उक्लिएको छ ।
युनाइटेडले २९ खेलबाट ५८ अंक जोडेको छ । पराजित साउथह्याम्पटन २७ अंक जोडेर १७ औं स्थानमा छ ।
-1747503617.webp)
