एजेन्सी । इङ्ग्लिश प्रिमियर लिग फुटबलमा टोटेनहम र आर्सनलले बराबरी खेल्दै अंक बाँडेका छन् । शनिबार भएको खेलमा टोटेनहम र आर्सनलले १-१ गोलको बराबरी खेलेको हो ।
टोटेनहमको मैदानमा सुरुवाती अग्रता जोगाउन र पेनाल्टीमा गोल गर्न नसक्दा आर्सनलले एक अंकमा चित्त बुझाएको हो । खेलको १६ औं मिनेटमा आरोन रामसेले गोल गर्दै आर्सनललाई सुरुवाती अग्रता दिलाएका थिए ।
तर, खेलको ७४ औं मिनेटमा ह्यारी केनले पेनाल्टीमा गोल गर्दै टोटेनहमलाई १-१ गोलको बराबरीमा ल्याए ।
खेलको इन्जुरी समयमा आर्सनलले पेनाल्टी प्राप्त गर्यो । तर, पेरिक एम्रिक आबुमियाङको पेनाल्टी प्रहार टोटेनहमका किपर ह्युगो लोरिसले उत्कृष्ट बचाऊ गरे ।
त्यसपछि दुवै टोलीले थप गोल गर्न सकेनन् र खेल बराबरीमा सकियो ।
यस्तै खेलको ९० औं मिनेटमा लुकासले रातो कार्ड पाउँदा आर्सनल केहि मिनेट १० खेलाडीमा समेटिएको थियो ।
बराबरीसंगै तेस्रो स्थानको टोटेनहमले २९ खेलबाट ६१ अंक जोडेको छ । चौंथो स्थानको आर्सनलले ५७ अंक जोडेको छ ।
-1747503617.webp)
