काठमाडौं । सहिद स्मारक 'बी' डिभिजन लिग अन्तर्गत दोस्रो चरणको खेलमा श्री भगवती क्लबले जित निकालेको छ ।
शुक्रबार भएको खेलमा श्री भगवतीले सातदोबाटो युथ क्लबलाई ४-३ गोल अन्तरले पराजित गर्यो ।
एन्फा कम्प्लेक्स सातदोबाटोमा भएको खेलमा श्री भगवतीलाई जित दिलाउन मोहन बहादुर थापा मगरले ह्याट्रिक गरे । यस्तै आश बहादुर गुरुङले एक गोल गरे ।
सातदोबाटोका दोर्जे तामाङ, पृथ्वी चौधरी र भुवन बस्नेतले एक एक गोल गरे ।
खेलको तेस्रो मिनेटमै मोहनले गोल गर्दै श्री भगवतीलाई सुरुवाती अग्रता दिलाएका थिए । २१ औं मिनेटमा मोहनले व्यक्तिगत दोस्रो गोल गर्दै श्री भगवतीको अग्रता २-० को बनाए ।
खेलको ६१ औं मिनेटमा दोर्जेले गोल गर्दै सातदोबाटोलाई खेलमा फर्काउने कोशिश गरे । खेलको ७१ औं मिनेटमा सातदोबाटोका पृथ्वीले गोल गरेपछि खेल २-२ गोलको बराबरीमा पुग्यो ।
रोमान्चक बनेको खेलको ८६ औं मिनेटमा मोहनले पेनाल्टीमा गोल गरि ह्याट्रिक पुरा गर्दै टोलीको अग्रता ३-२ को बनाए । त्यसको एक मिनेट नबित्दै आश बहादुरले गोल गर्दै श्री भगवतीको अग्रता ४-२ को बनाए । त्यसपछि खेलको ८९ औं मिनेटमा सातदोबाटोका भुवनले एक गोल गरेपनि श्री भगवतीले ४-२ को जित निकाल्यो ।
जितसंगै श्री भगवतीले ३ अंक जोडेको छ । र, दोस्रो चरणको पहिलो खेलमा अंक जोड्न सफल भएको छ ।
४ टोली रहेको दोस्रो चरणको खेलपछि शीर्ष टोलीले उपाधि जित्ने छन् ।
