काठमाडौं । झट्ट सुन्दा, पोखरा पर्यटकिय नगरी हो ।
प्रकृतिको अनुपम उपहारले सजिएको पोखराले पर्यटकिय शहरको रुपमा ठुलो नाम कमाएको छ ।
पोखराको अर्को चिनारी भनेको खेलकुद पनि हो ।
सामान्य अर्थमा खेल भनेको हार र जितको नतिजा हो । तर पोखराले खेलकुदलाई कला र संस्कृतिको रुपमा अनुशरण गरेको छ ।
यसको राम्रो उदाहरण भनेको आहा रारा गोल्डकप पनि हो ।
२०५८ सालबाट सुरु भएको प्रतियोगिता १७ संस्करण सम्म आईपुगेको छ । विगत १७ बर्ष नेपाली राजनीति र खेलकुदले निकै ठुलो आरोह अवरोह ब्यहोर्यो ।
सहारा क्लब पोखराले आयोजना गर्ने आहा रारा गोल्डकप भने आफ्नै गति र वेगमा अगाडी बढिरह्यो । त्यसैले यो मोफसलको सर्वाधिक प्रतिष्ठित प्रतियोगिता बनेर बसेको छ ।
१७ औ संस्करणको उपाधि भिडन्तमा भोली (शनिबार) घरेलु फुटबलका दुई चीरप्रतिद्वन्दी क्लब आमने सामने हुनेछन् । विभागीय टिम त्रिभुवन आर्मी र अर्को पोखरेली फुटबल समर्थकको प्यारो क्लब रुस्लान थ्री स्टार ।
दुवै क्लब माछापुच्छ्रेलाई साक्षी राखेर पोखरेली दर्शकका अगाडी आफु उत्कृष्ट रहेको प्रमाणित गर्न प्रयास गर्नेछन् ।
थ्री स्टार र आर्मी घरेलु फुटलबका ठुला क्लब हुन् । कारण दुवै टोलीमा स्टार खेलाडीको जमघट छ । राष्ट्रिय टिमका खेलाडीका भरिएका दुवै टोलीको प्रतिस्पर्धा निकै चर्को हुने गर्छ ।
विभागीय टिम आर्मीले अहिलेसम्म आहा रारा गोल्डकपको उपाधि जित्न सकेको छैन, ईतिहासले त्यही भन्छ ।
तर १७ औ संस्करणको फाईनलमा त्यो ईतिहास रच्ने अवसर आर्मीलाई प्राप्त छ । राष्ट्रिय टिमका स्टार भरत खवास, नवयुग श्रेष्ठ र विकेश कुथु लगायतका खेलाडीलाई फाईनल खेल एउटा परिक्षा पनि हो ।
यता, पोखरेली समर्थकको प्यारो क्लब थ्री स्टार पाँचौ पटक उपाधि जित्ने अभियानमा छ । पोखरेली फुटबलका ठुला स्टार अनिल गुरुङलाई समेत करियरको अन्तिमतिर घरेलु मैदानमा उपाधि जित्ने अवसर प्राप्त छ ।
दुवै टोली प्राप्त अवसरलाई सदुपयोग गर्दै पोखरामा उपाधि जित्ने दाबी गर्छन । शुक्रबार बिहान गरिएको पत्रकार सम्मेलनमा दुवै टोलीका प्रशिक्षक र कप्तानले फाईनल खेल निकै प्रतिस्पर्धात्मक हुने बिषयमा सहमती जनाए ।
थ्री स्टार प्रशिक्षक मेघराज केसीले दुवै टोलीको उपाधि जित्ने सम्भावना बराबरी भएको बताए ।
‘थोरै मौका पाइन्छ । त्यसलाई सदुपयोग गर्दै जित निकाल्नेछौ ।’ उनले भने ।
विपक्षीको गल्तीलाई हेर्दै खेलमा अग्रता लिने योजना रहेको उनले बताए ।
थ्री स्टारकै कप्तान बिक्रम लामाले फाईनल खेलमा कुनै दबाब नरहेको प्रतिक्रिया दिए ।
‘भुटानमा भएको प्रतियोगितामा फाईनल हा¥यौ । त्यो दुर्भाग्यको कुरा थियो । आर्मी बलियो टिम हो । उत्कृृष्ट टिम फाईनलमा पाएका छौ । खेल निकै प्रतिस्पर्धात्मक हुनेछ ।’ उनले थपे ।
यता, आर्मीका प्रशिक्षक नविन न्यौपानेले पोखराको भुमीमा ईतिहास रच्ने अवसर आफुलाई प्राप्त भएको बताए ।
‘दुवै टिम प्राय सेमिफाईनलमा खेलिरहेका छौ । एउटा ईतिहास रच्ने अवर प्राप्त छ । हामी जित्नका लागि खेल्नेछौ ।’ उनले भने ।
थ्री स्टार उत्कृष्ट टोली रहेको बताउँदै उनले नेपाली फुटबलका लागि आर्मी र थ्री स्टारको भिडन्त ‘एल क्लासि’को जस्तो भएको बताए ।
उनले आर्मीको लडाकु स्वभावले फाईनलमा राम्रो नतिजा निकाल्ने उल्लेख गरे ।
आर्मीका कप्तान भरत खवासले दुवै टिम बलियो भएको बताउँदै फाईनल निकै प्रतिस्पर्धात्मक हुने उल्लेख गरे । ‘अहिलेसम्म जितेका छैनौ, हामी ईतिहास बनाउनेछौ ।’ उनले भने ।
-1747503617.webp)
