एजेन्सी । इङ्ग्लिश प्रिमियर लिग फुटबलमा आर्सनलले फराकिलो जित निकालेको छ । बुधबार राति भएको खेलमा आर्सनलले बर्नेमाउथलाई ५-१ गोल अन्तरले पराजित गरेको हो ।
घरेलु मैदानमा आर्सनललाई जित दिलाउन मोसिट ओजिल,हेन्रिक मिखीटेरियन, लौरेन्ट,पेरिक एम्रिक आबुमियाङ र एलेक्जेन्डर लाकजेट्सले एक एक गोल गरे । बर्नेमाउथका मौसेटले एक गोल फर्काए ।
इमिरेट्स स्टेडियममा बर्नेमाउथविरुद्ध खेलको चौथो मिनेटमा ओजिलले गोल गर्दै आर्सनललाई सुरुवाती अग्रता दिलाएका थिए । २७ औं मिनेटमा मिखीटेरियनले आर्सनलको अग्रता दोब्बर बनाए । खेलको ३० औं मिनेटमा बर्नेमाउथका मौसेटले एक गोल फर्काएपछि खेल २-१ को स्थितिमा पुग्यो ।
दोस्रो हाफमा आर्सनलले थप ३ गोल गर्यो । ४७ औं मिनेटमा लौरेन्टले गोल गर्दै आर्सनलको अग्रत ३-१ को बनाए । ५७ औं मिनेटमा आबुमियाङले गोल गर्दा आर्सनलले ४-१ को अग्रता बनायो । त्यसपछि खेलको ७८ औं मिनेटमा लाकाजेट्सले गोल गर्दै आर्सनललाई ५-१ को जित दिलाए ।
जितसंगै चौथो स्थानको आर्सनलले २८ खेलबाट ५६ अंक जोडेको छ । बर्नेमाउथ ३४ अंकसहित १२ औं स्थानमा छ ।
प्रिमियर लिग अन्तर्गत नै अर्को खेलमा साउथह्याम्पटनले फुलहमलाई २-० ले हराएको छ ।
-1747503617.webp)
