एजेन्सी । इन्ग्लिश प्रिमियर लिग फुटबलमा साबिकको विजेता म्यानचेस्टर सिटीले सहज जित निकालेको छ । आइतबार राति भएको खेलमा सिटीले आर्सनललाई ३-१ गोल अन्तरले हराएको हो ।
घरेलु मैदानमा सर्जियो अग्युरोले ह्याट्रिक गरेपछि सिटीले सहज जित निकालेको हो । आर्सनलका लागि लौरेन्ट कोसील्नीले एक गोल फर्काए ।
इदिहाद स्टेडियममा खेलको पहिलो मिनेटमै अग्युरोले गोल गर्दै सिटीलाई अग्रता दिलाएका थिए । खेलको ११ औं मिनेटमा आर्सनलका लौरेन्टले गोल गरेपछि खेल १-१ को बराबरीमा पुग्यो । तर, खेलको ४४ औं मिनेटमा अग्युरोले व्यक्तिगत दोस्रो गोल गर्दै सिटीको अग्रता २-१ को बनाए ।
दोस्रो हाफमा सिटीका लागि अग्युरो नै नायक बने । खेलको ६१ औं मिनेटमा व्यक्तिगत तेस्रो तथा ह्याट्रिक पुरा गर्दै सिटीलाई ३-१ को महत्वपूर्ण जित दिलाए ।
जितसंगै सिटी लिगको दोस्रो स्थानमा उक्लिएको छ । सिटीले २५ खेलबाट ५९ अंक जोडेको छ । र, सिटी लिग लिडर लिभरपुलभन्दा २ अंकले पछि छ । एक खेल कम खेलेको लिभरपुलको ६१ अंक छ । पराजित आर्सनल ४ अंक जोडेर छैटौं स्थानमा छ ।
-1751696964.webp)
