काठमाडौं। ताकेश्वर नगरपालिकाले १४औं काठमाडौं जिल्लास्तरीय राष्ट्रपति रनिङ शिल्ड खेलकुदको उपाधि जितेको छ।
तार्केश्वरले ३९ स्वर्ण, २५ रजत र १९ कांस्य पदक जित्दै टिम च्याम्पियनको उपाधि हात पार्यो। काठमाडौं जिल्ला खेलकुद विकास समितिद्वारा आयोजित प्रतियोगितामा १३ स्वर्ण, ८ रजत र १० कांस्यसाथ गोकर्णेश्वर नगरपालिका दोस्रो भयो।
तेस्रो स्थानको चन्द्रागिरि नगरपालिकाले ६ स्वर्ण, १४ रजत र २५ कांस्य जितेको तार्केश्वर नगर खेलकुद विकास समितिका अध्यक्ष एवं काठमाडौं जिल्ला तेक्वान्दो संघका अध्यक्ष विक्रम खड्गीले जनाएका छन्।
प्रतियोगितामा एथलेटिक्स, भलिबल, कराते, तेक्वान्दो, उसु र कबड्डी गरी ६ खेलमा प्रतिस्पर्धा भएको थियो।
-1748355409.jpeg)
