एजेन्सी । प्रिमियर लिग क्लब आर्सनल इंग्लिस एफए कप फुटबलको चौथो चरणमा प्रवेश गरेका छन् । शनिबार राति भएको खेलमा ब्लाकपुललाई ३ - ० गोल अन्तरले हराएर आर्सनल चौथो चरणमा पुगेको हो ।
ब्लाकपुलको मैदानमा भएको खेलमा आर्सनललाई जित दिलाउन जोसेफ विलकले दुई गोल गरे । यस्तै एलेक्स इओबीले एक गोल थपे ।
खेलको ११ औं मिनेटमा युवा खेलाडी जोसेफले गोल गर्दै आर्सनललाई सुरुवाती अग्रता दिलाएका थिए । खेलको ३७ औं मिनेटमा जोसेफले व्यक्तिगत दोस्रो गोल गरेपछि आर्सनल २ - ० अघि रह्यो ।
त्यसपछि खेलको ८२ औं मिनेटमा इओबीले गोल गर्दै आर्सनललाई ३ - ० को सहज जित दिलाए ।
