कोहली बने सर्वोत्कृष्ट खेलाडी

काठमाडौं । भारतीय ब्याट्सम्यान विराट कोहली एक दिवसीय विश्वकप २०२३ को ‘प्लेअफ अफ दी टुर्नामेन्ट’ घोषित भएका छन् । 

आईतबार सम्पन्न प्रतियोगितामा उपविजेता बनेको भारतीय टिमका कोहली प्रतियोगिताको सर्वोत्कृष्ट खेलाडी घोषित भएका हुन् । 

कोहलीले यस विश्वकपमा ११ इनिङ्समा ७ सय ६५ रन बनाएका थिए । उनी विश्वकपको एकै संस्करणमा सबैभन्दा धेरै रन बनाउने खेलाडी बनेका छन् । उनले औसत ९५ दशमलव ६२ रह्यो । स्ट्राइक रेट ९० दशमलव ३ रहेको छ । 

भारतका पूर्व कप्तान समेत रहेका कोहलीले यस विश्वकपमा ६ पटक ५० भन्दा बढी रन कटाए । फाइनलमा उनको ६३ रनको शानदार अर्धशतक समेत सामेल छ । 

३५ वर्षका कोहलीले यस विश्वकपमा सचिन तेन्दुलकरको नाममा रहेको ४९ एकदिवसीय शतकको र्कीिर्तमान समेत तोडेका छन् । उनले एकदिवसीय क्रिकेटमा ५० शतक प्रहार गरेका छन् । 

कोहलीले सर्वोत्कृष्ट खेलाडीको अवार्ड प्राप्त गरेपनि भारतलाई उपाधि जिताउन भने सकेनन् । भारतलाई ६ विकेटले हराउँदै अष्ट्रेलियाले छैटौं पटक एकदिवसीय विश्वकपको उपाधि जितेको छ ।