काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको मेलबर्न स्टार्सले बिग बास लिगको तेस्रो खेलमा जितका लागि १३१ रनको लक्ष्य पाएको छ ।
सिड्नीमा ब्याट फ्लिप हारेर पहिले ब्याटिङ गरेको सिड्नी सिक्सर्सले पुरै २० ओभर खेल्दै ९ विकेट गुमाएर १३० रन जोड्दै मेलबर्नलाई मध्यम लक्ष्य दिएको हो ।
सिड्नीका लागि जोर्डन सिल्कले अविजित ४१ रन जोडे । यस्तै सिन एब्बोटले २२ रन जोड्दा ड्यानियल हुगेसले २० रन जोडे ।
सिड्नीलाई सस्तैमा समेट्न ज्याक्सन कोलेमनले ३ विकेट लिए । यस्तै सन्दीपले ४ ओभर बलिङ गर्दै मात्र १८ रन खर्चेर २ विकेट लिए । एडम जाम्पाको नाममा पनि २ विकेट रह्यो ।
घरेलु टोली सिड्नीविरुद्ध मैदान उत्रदा मेलबर्न पहिलो जितको खोजीमा रहेको छ । सिड्नी भने दोस्रो जितको खोजीमा हुनेछ ।
यसअघि दुई खेलमा पराजित भईसकेको मेलबर्नको लागि यस खेल महत्वपूर्ण समेत रहेको छ । पहिलो खेलमा मेलबर्न सिड्नी थण्डर र दोस्रो खेलमा होबर्ट हरीकेन्ससंग पराजित भएको थियो ।
लिगमा अंकबिहिन मेलबर्न पुछारमा छ । २ अंक जोडेको सिड्नी चौथो स्थानमा छ ।
