एसियाली खेलकुद क्रिकेट : नेपालको प्रतिद्वन्दी परिवर्तन
काठमाडौं । एसियाली खेलकुदअन्तर्गतको पुरुष क्रिकेटको खेलतालिका परिवर्तन भएको छ ।
बहराईनले प्रतियोगिताबाट नाम फिर्ता लिएसँगै खेलतालिका परिवर्तन भएको हो ।
प्रतियोगितामा अब नेपालले माल्दिभ्स र मंगोलियालाई समूह चरणको प्रतिद्वन्दीको रुपमा पाएको छ ।
खेल टी-ट्वान्टी फर्म्याटमा हुनेछ । नेपाल टी-ट्वान्टी आई वरियतामा १७ औं स्थानमा छ । माल्दिभ्स ८० औं स्थानमा छ । मंगोलिया भने आइसीसीको वरियताभित्र छैन ।
नयाँ खेलतालिकामा नेपाल समूह ए मा रहेको छ । यस अघि नेपालले जापान र कम्बोडियासँग खेल्ने तय भएको थियो ।
समूह बी मा कम्बोडिया, जापान र हङकङ रहेको छ । समूह सी मलेसिया, सिंगापुर र थाईल्यान्ड रहेका छन् ।
यसअघि समूह चरण खेल्ने तय भएको पूर्ण सदस्य राष्ट्र अफगानिस्तान सिधै क्वाटरफाइनलमा प्रवेश गरेको छ ।
नेपालको खेलतालिका
२७ सेप्टेम्बर (१० असोज) मा मंगोलियाविरुद्ध
१ अक्टोबर (१४ असोज) माल्दिभ्सविरुद्ध
समूह चरणमा शीर्ष स्थानमा रहने टोली क्वाटरफाइनलमा स्थान बनाउने छ । भारत, पाकिस्तान, बंगलादेश र श्रीलंकाले सिधा क्वाटरफाइनलमा स्थान बनाएका छन् ।
३-४ अक्टोबर (१६-१७ असोज) मा क्वाटरफाइनल खेल रहेको छ ।
६ अक्टोबर (१९ असोज) मा सेमिफाइनल
७ अक्टोबर (२० असोज) मा फाइनल खेल रहेको छ ।
