काठमाडौं। नेपाल ओलम्पिक कमिटीको तदर्थ कमिटीले ओलम्पिक गतिविधिलाई प्रभावकारी सञ्चालन गर्न चारवटा उपसमिति गठन गरेको छ। समितिले प्रत्येक उपसमितिलाई विभिन्न कार्य जिम्मेवारी तोकेको छ।
संस्था तथा आन्तरिक समन्वय उपसमितिको संयोजकको जिम्मेवारी सुनिल श्रर्ष्ठलाई दिइएको छ। यसमा नेपाल फेन्सिङ्ग संघ, नेपाल कुस्ती संघ, अखिल नेपाल फुटबल संघ, नेपाल तेक्वान्दो संघ, नेपाल एथलेटिक्स संघ र अखिल नेपाल कबड्डी संघका प्रतिनिधिहरू सदस्य छन्।
अन्तर्राष्ट्रिय समन्वय तथा विकास उपसमितिको संयोजक रवीराज कर्णिकारलाई तोकिएको छ।
यसमा नेपाल घोडचढी संघ, नेपाल पौडी संघ, नेपाल टेनिस संघ, नेपाल भारोतोलन संघ, नेपाल एथलेटिक्स संघ र नेपाल जिम्न्यास्टिक संघका प्रतिनिधिहरू छन्।
कानुन, व्यवस्था तथा समस्या समाधान उपसमितिको जिम्मेवारी बुजेन्द्र हमालले पाएका छन्। यसमा नेपाल टेबलटेनिस संघ, नेपाल साइकलिङ्ग संघ, नेपाल कुस्ती संघ, नेपाल ह्याण्डबल संघ, नेपाल व्याडमिन्टन संघ, नेपाल बास्केटबल संघ, नेपाल जुडो संघ र नेपाल ऊषु महासंघका प्रतिनिधिहरू सदस्य छन्।
चिवालय व्यवस्थापन उपसमितिको संयोजक निलेन्द्रराज श्रेष्ठ छन्। यसमा नेपाल ट्रायथलन संघ, नेपाल हक्की संघ, नेपाल सुटिङ्ग संघ, नेपाल भलिबल संघ, नेपाल बक्सिङ महासंघ र नेपाल तेक्वान्दो संघका प्रतिनिधिहरू छन्।
