न्युजिल्यान्डलाई भारतको विशाल लक्ष्य

काठमाडौं। भारतले टी–२० विश्वकपको उपाधि जित्न न्युजिल्यान्डलाई २५६ रनको विशाल लक्ष्य दिएको छ।

नरेन्द्र मोदी स्टेडियममा टस हारेर पहिला ब्याटिङ थालेको भारतले २० ओभरमा ५ विकेट गुमाएर २५५ रन बनाएको हो।

भारतका ओपनर सञ्जु स्यामसनले उत्कृष्ट ब्याटिङ गरे। उनले ४६ बलमा ८ चौका र ५ छक्का प्रहारसहित ८९ रन बनाए। उनी विश्वकपमा लगातार अर्धशतक बनाउने पहिलो खेलाडी बने। उनले यसअघि इङ्ल्यान्डविरुद्ध ८९ र वेस्ट इन्डिजविरुद्ध अविजित ९७ रन बनाएका थिए।

अर्का ओपनर अभिषेक शर्माले २१ बलमा ६ चौका र ३ छक्कासहित ५२ रन जोडे। इशान किशनले पनि राम्रो साथ दिँदै ५४ रनको योगदान दिए।

हार्दिक पाण्ड्या १८ रनमा आउट हुँदा अन्तिम ओभरतिर शिवम दुबेले आक्रामक ब्याटिङ गरे। ८ बलमा ३ चौका र २ छक्कासहित अविजित २६ रन बनाए भने तिलक वर्मा ८ रनमा अविजित रहे।

न्युजिल्यान्डका जिम्मी निशमले सर्वाधिक ३ विकेट लिए। ४ ओभर बलिङ गरेका उनले ४६ रन खर्चिए।

म्याट हेनरी र रचिन रविन्द्रले समान १ विकेट राखे।