एजेन्सी । इंग्लिश प्रिमियर लिगमा खराब प्रदर्शनको कारण म्यानचेस्टर युनाइटेडबाट बर्खास्तमा परेका जोसे मौरिन्हो दर्शक बन्दा समेत पराजित भएका छन् ।
युनाइटेडबाट बर्खास्तसंगै फुर्सदिला बनेका मोरिन्हो घर पोर्चुगल पुगेका थिए । र, मोरिन्हो शनिबार घरेलु क्लबको खेल हेर्न मैदान पुगेका थिए । तर, मोरिन्हो सहभागी भएको खेलमा घरेलु टिम पराजित भएको छ ।
पोर्चुगलको शीर्ष डिभिजनको लिग अन्तर्गत घरेलु क्लब भिक्टोरिया डी सेटुबल र सान्टा कार्लाबीचको खेल हेर्न मोरिन्हो मैदान पुगेका थिए ।
भिक्टोरियाको घरेलु मैदान बोनफिम स्टेडियममा मोरिन्होलाई सम्मान दिईएको थियो । मोरिन्हो उक्त खेलको दौरान हट केक नै बनेका थिए ।
तर, मोरिन्हो उपस्थित खेलमा भिक्टोरिया पाहुना टोली सान्टासंग २ - ० गोल अन्तरले पराजित भयो ।
मोरिन्होले हेरेको खेलमा भिक्टोरिया पराजित भएसंगै फुटबल समर्थकहरुले अहिले मोरिन्होको मजाक बनाई रहेका छन् ।यस्तै अन्तर्राष्ट्रिय मिडियाहरुले समेत मोरिन्होको खराब लय कायम रहेको भन्दै समचार बनाईरहेका छन् ।
यता, मोरिन्हो बर्खास्त परेसंगै युनाइटेडले जितको यात्रा सुरु गरिसकेको छ । केयरटेकर प्रशिक्षक ओले गुनर सोल्सायरको डेब्यु प्रशिक्षणमा म्यानचेस्टर युनाइटेडले शनिबार राति कार्डिफ सिटीलाई ५ - १ गोल अन्तरले पराजित गरेको छ ।
