एजेन्सी । फ्रेन्च लिग फुटबल लिग वानमा शीर्ष स्थानको पेरिस सेन्ट जर्मेन (पिएसजी) ले आफ्नो अपराजित यात्रा कायम राखेको छ । शनिबार भएको खेलमा नन्टलाई १ - ० ले हराउँदै पिएसजीले पराजित यात्रा कायम राखेको हो ।
घरेलु मैदानमा भएको खेलमा पिएसजीलाई जित दिलाउन युवा स्टार केलीयन एमबाप्पेले निर्णायक गोल गरे । पहिलो हाफ गोलरहित बराबरीमा सकिएको खेलको ६८ औं मिनेटमा एमबाप्पेले निर्णायक गोल गर्दै पिएसजीलाई ३ अंक दिलाएका हुन् ।योसंगै एमबाप्पेले लिगमा आफ्नो १३ औं गोल पुरा गर्न सफल भएका छन् ।
घरेलु मैदानमा नन्टमाथिको जितसंगै पिएसजीले लिगमा आफ्नो अग्रता १३ अंकको बनाएको छ । पिएसजीले १७ खेलबाट ४७ अंक जोडेको छ । र, पिएसजी दोस्रो स्थानको लीलीभन्दा १३ अंकले अघि छ । लिलीको ३४ अंक छ ।
फ्रेन्च लिग अन्तर्गत अन्य खेलमा लियोन मोन्टपिलरसंग १ - १ गोलको बराबरीमा रोकिएको छ । यस्तै नाकोलाई गुइनगाम्पले २ - ० ले हराएको छ ।
