काठमाडौं । थेम्स कलेजले १२ औं एलए कपअन्तर्गत ब्वाइज फुटबलमा शनिबार विजयी सुरुआत गरेको छ ।
लिटिल एन्जल्स कलेज अफ म्यानेजमेन्ट (एलएसीएम) स्टुडेन्ड काउन्सिलद्वारा आयोजित प्रतियोगितामा थेम्सले क्वेस्ट इन्टरनेसनल कलेजलाई ५–१ को फराकिलो गोलअन्तरले पराजित गर्यो ।
ब्वाइज फुटबलमै सगरमाथा र पुल्चोकले पनि जितका साथ यात्रा प्रारम्भ गरेका छन् । सगरमाथाले आयोजक एलए ‘बी’ लाई १–० गोलले हरायो । पुल्चोकले नेसफिल्डमाथि २–१ को जित निकाल्यो ।
नकआउट फुटबलमा ३२ ब्वाइज टिम सहभागी छन् । विजेताले ५० हजार र उपविजेताले ३० हजार नगद पुरस्कार पाउने छन् ।
एलए कपअन्तर्गत ब्वाइज÷गल्र्स बास्केटबल र डुवाथलन पनि समावेश छन् । बास्केटबल आइतबारदेखि सुरु हुनेछ भने डुवाथलन अर्को शनिबार हुनेछ । लिग कम नकनाउट आधार हुने बास्केटबलको ब्वाइजमा १६ र गल्र्समा ८ टिमको सहभागिता रहेको छ ।
बास्केटबलमा पनि नगर पुरस्कार राखिएको छ । ब्वाइजमा पहिलो हुनेले ३० हजार र दोश्रोले १५ हजार नगद पुरस्कार प्राप्त गर्नेछन् । गल्र्समा पहिलोलाई २० हजार र दोश्रोलाई १० हजार नगदबाट पुरस्कृत गरिने छ ।
