धनगढी । सिद्धार्थ शिशु सदन र लिटल फ्लावर बोर्डिङ स्कुल धनगढीमा जारी तेस्रो निस्ट लिटिल फ्लावर प्रिमियर लिग क्रिकेटको सेमिफाइनलमा प्रवेश गरेको छ ।
शनिबार भएको खेलमा सरस्वती मावि गेटालाई ३२ रनले पराजित गर्दै सिद्धार्थले सेमिफाइनलमा स्थान पक्का गरेको हो ।
सिद्धार्थले दिएको १८८ रनको लक्ष्य पछ्याउँदै जवाफी ब्याटिङ गरेको सरस्वतीले निर्धारित २० ओभरमा ५ विकेट गुमाउँदै मात्र १५६ रन बनाउन सक्यो । सरस्वतीको लागि हिक्मत सेठिले अविजित ६२, हृदय बिठारीले ४४, कप्तान आयुब चन्दले १३ रन बनाए । बलिङतर्फ सिद्धार्थका प्रतिस जिसिले २ विकेट लिए।
यसअघि टस जितेर पहिला ब्याटिङ गरेको सिद्धार्थले निर्धारित २० ओभरमा ३ विकेट गुमाउँदै १८७ रन बनाएको थियो । सिद्धार्थका लागि दोस्रो विकेटका लागि खडक बोहरा र सुरेन्द्र साउदले ऐतिहासिक १२३ रनको साझेदारी गरेका थिए ।
सिद्धार्थका खड्क बोहराले अविजित १०३ रनको शतकीय इनिङस खेले । यस्तै सुरेन्द्र साउदले ३७ तथा कप्तान प्रतिस जिसिले ३२ रनको योगदान दिए ।
यस्तै लिटल फ्लावर स्कुल धनगढीले क्यास्पियन एकेडेमी धनगढीमाथि १७ रनको जित निकाल्दै सेमिफाइनलमा स्थान बनाउन सफल भयो ।
टस जितेर पहिला ब्याटिङ गरेको लिटिल फ्लावरले जितका लागि दिएको १४५ रनको लक्ष्य पछ्याउँदै जवाफी ब्याटिङ गरेको क्यास्पियनले निर्धारित २० ओभरमा ८ विकेट गुमाउँदै मात्र १२७ रन बनाउन सक्यो ।
क्यास्पियन एकेडेमी धनगढीको लागि दिनेश अधिकारीले ७२, रोशन अधिकारीले ३० रनको योगदान दिए। बलिङतर्फ लिटिल फ्लावर स्कुलका बिक्रम ठगुन्ना र सागर भण्डारीले समान २/२विकेट लिए।
यस अघि टस जितेर पहिला ब्याटिङ गरेको लिटिल फ्लावर स्कुलले १९ ओभर १ बलमा अलआउट हुँदै १४४ रन बनायो । लिटिल फ्लावर स्कुलको लागि ब्याटिङमा शेर मल्लले ३४ तथा कप्तान बिपिन रावलले २२ रनको योगदान दिए। बलिङतर्फ क्यास्पियनको रोशन अधिकारि र निरज रावलले समान ३/३ विकेट लिएका थिए।
-1751205100.jpg)
-1751726411.jpg)
