भलिबल खेलाडी थापा सुवेदारमा पदोन्नती

काठमाडौं । त्रिभुवन आर्मी पुरुष भलिबल टिमका कप्तान ईश्वर थापाको पदोन्नती भएको छ ।

थापा नेपाली सेनाको सुवेदार पदमा पदोन्नती भएका छन् ।

नेपाली सेनाका सहसेनानी तथा नेपाली सैनिक शारीरिक तथा खेलकुद केन्द्र लगनखेलका केन्द्रपति मुनाल बस्नेतले उनलाई दर्ज्यान्ही चिन्ह प्रदान गरे ।

तनहुँ जिल्लामा जन्मिएका थापा २०६५ सालमा सेनामा भर्ना भएका थिए ।  

उनी नेपाली राष्ट्रिय टोलीका सदस्य समेत हुन् । उनले पछिल्लो पटक बंगलादेशमा भएको सेन्ट्रल जोन खेलेका थिए। 

त्रिभुवन आर्मीलाई घरेलु प्रतियोगिताहरुमा सफल बनाउन उनको भूमिका महत्वपूर्ण रहेको छ ।

उनी लिबोरोको रुपमा खेल्ने गर्दछन् ।