एजेन्सी । क्रोएसियाका कप्तान लुका मोड्रिच विश्व फुटबलमा उत्कृष्ट मिडफिल्डर मानिन्छन् । स्पेनिस क्लब रियल मड्रिडका प्लेमेकर मोड्रिचले आफुलाई प्रमाणित समेत गर्दै आएका छन् ।
मोड्रिचले रियलका लागि २७२ खेल खेलेका छन् । र, पछिल्लो सिजन रियल मड्रिडको सफलतामा उनको ठुलो योगदान छ ।
रियलले चार च्याम्पियन्स लिग, एक ला–लिगा, एक कोपा डेल रे र तीन फिफा क्लब विश्वकप जित्दा मोड्रिचले मुख्य भुमिका निर्वाह गरेका थिए ।
मोड्रिच यसै बर्ष फिफा बर्ष खेलाडी बनेका थिए । यस्तै रुसमा सम्पन्न फिफा विश्वकपमा मोड्रिच सर्वोकृष्ट खेलाडी चुनिएका थिए । मोड्रिच यस बर्षको बालोन डी’ओर अवार्डका लागि मुख्य दाबेदार हुन् ।
तर, पछिल्लो समय मोड्रिचको उमेर ढल्कदै गएको छ । मोड्रिच ३३ बर्ष पुगिसकेका छन् । यस्तोमा रियलले पछिल्लो समय मोड्रिचलाई सघाउने र मोड्रिचको स्थान लिन सक्ने खेलाडीको खोजीमा रहेको छ । जुन खेलाडीले मुख्यत सेन्टर मिडफिल्डर तथा अट्याकिङ र डिफेन्सिभ मिडफिल्डरको भूमिका निर्वाह गर्न सकुन ।
यदि मोड्रिचले क्लब छाडेमा वा पहिलो रोजाइमा पर्न छाडेमा उनको स्थानमा रियल आउन सक्ने धेरै खेलाडीहरु छन् । तर, सम्भावित पाँच खेलाडीको हामी चर्चा गर्नेछौं ।
मोड्रिचको स्थान लिन सक्ने सम्भावित खेलाडीहरुको सुची हेर्नुहोस् ।
५. पाउल पोग्बा
रियल मड्रिडले मोड्रिचको स्थान लिन सक्ने खेलाडीको रुपमा फ्रान्सेली मिडफिल्डर पोग्बालाई नजर लगाएको छ । इंग्लिश क्लब म्यानचेस्टर युनाइटेडबाट खेलिरहेका पोग्बा रियलको रोजाईमा पर्न सक्नेछन् ।
म्यानचेस्टर युनाइटेडबाटै क्लब फुटबलको सुरुवात गरेका पोग्बा एक बर्षपछि इटालियन क्लब युभेन्ट्स गएका थिए । युभेन्ट्स बसाईमा पोग्बाले आफुलाई उत्कृष्ट प्लेमेकर बनाउन सफल भए । त्यसपछि पोग्बा सन् २०१६ बाट पुन: युनाइटेड फर्किएका छन् ।
फ्रान्सलाई सन् २०१८ को रुस विश्वकप जिताउन महत्वपूर्ण भूमिका खेलेका पोग्बा क्लबमा अहिले खुसी नरहेको बताईएको छ । यस्तोमा पोग्बाको गन्तब्य रियल हुन सक्ने बताइएको छ ।
४. सेर्गेज मिलिनकोभिच साभिक
सर्बियाका मिडफिल्डर सेर्गेज अहिले उत्कृष्ट मिडफिल्डरको रुपमा स्थापित हुँदै आएका छन् । इटालियन क्लब लाजियोबाट सेर्गेजले आफुलाई प्रमाणित गरिसकेका छन् ।
सन् २०१५ मा जेन्कबाट लाजियो आएका २३ बर्षिय सेर्गेजले १०५ खेल खेल्दै १८ गोल गरिसकेका छन् । प्लेमेकर भूमिका सहित गोल गर्न माहिर सेर्गेज फिफा यू-२० विश्वकपमा चम्किएका खेलाडी हुन् ।
लाजियोले सन् २०१७ को सुपर कोपा इटालिया जित्दा सेर्गेजले महत्वपुर्ण भुमिका खेलेका थिए । शारिरिक रुपले बलिया मिडफिल्डर सेर्गेज अट्याकिङ मिडफिल्डसहित डिफेन्स खेल्न सक्छन ।
सेर्गेजले गत सिजन ३५ लिग खेलमा १२ गोल गरेका थिए । उनि गत सिजन नै रियल जाने हल्ला चलेको थियो । त्यसैले रियलले मोड्रिचको विकल्पमा उनलाई नजर लगाएको छ ।
३. क्रिस्टियन एरिक्सन
डेनमार्कका मिडफिल्डर क्रिस्टियन एरिक्सन पनि रियलको रोजाईमा पर्ने मिडफिल्डरका रुपमा हेरिएको छ । किनकि इंग्लिश प्रिमियर लिगका उकृष्ट मिडफिल्डर मध्ये एक हुन् एरिक्सन ।
टोटेनहमका प्लेमेकर एरिक्सन डच क्लब आयाक्सबाट उत्पादित खेलाडी हुन् । सन् २०१० बाट क्लब फुटबल खेलिरहेका एरिक्सन सन् २०१३ मा टोटेनहम आएका हुन् । त्यसयता उनि लगातार उनि टोटेनहमबाट खेलिरहेका छन् ।
टोटेनहमका प्रशिक्षक माउरिसियो पोचेटिनोको स्टाइलमा भिजेका एरिक्सन प्रिमियर लिगमा सर्वाधिक गोल गर्ने डेनिस खेलाडी हुन् । उनले प्रिमियर लिगमा ४१ गोल गरेका छन् ।
लगातार तीन पटक डेनिस प्लेअर अफ दि ईयर अर्वाड जित्ने पहिलो खेलाडी एरिक्सन रियल आउन सक्ने खेलाडीमा हेरिएको छ । उनले यस सिजन क्लब छाड्न सक्ने सम्भावना रहेको छ ।
२. मार्को भेराट्टी
फ्रेन्च क्लब पेरिस सेन्ट जर्मेन (पिएसजी) का मिडफिल्डर भेराट्टी पनि रियलको रोजाईमा पर्न सक्ने खेलाडी हुन् । पछिल्लो समय उकृष्ट खेलिरहेका भेराट्टीले पेरिसमा जादुमय प्रदर्शन गर्दै समर्थकलाई प्रभावित परिसकेका छन् ।
इटालीका २६ बर्षिय मिडफिल्डर भेराट्टी प्राविधिक रुपमा उकृष्ट मिडफिल्डरका रुपमा चिनिन्छन् । निकै छिटो खेल्न सक्ने उन्म खुबी रहेको छ । पिएसजीबाट १६४ लिग खेल खेल्दै ९ गोल गरिसकेका भेराट्टीले पाँच पटक फ्रेन्च लिग वानको उपाधि जितिसकेका छन् ।
त्यसैले उनलाई रियलले आखाँ लगाएको छ । भेराट्टी क्लब आउन चाहेमा रियलले सहजै स्वीकार गर्ने बताईएको छ ।
१. केभिन डी ब्रुएन
बेल्जियम मिडफिल्डर ब्रुएन विश्वकै उत्कृष्ट मिडफिल्डर मध्येका एक हुन् । इंग्लिश क्लब म्यानचेस्टर सिटीका प्लेमेकर ब्रुएनले बल पकड र पास उपलब्ध गराउन निकै माहिर खेलाडी हुन् । त्यसैले रियलले ब्रुएनलाई अनुबन्ध गर्ने सम्भावना बलियो रहेको देखिन्छ ।
सिटीका मुख्य खेलाडी रहदै आएका ब्रुएनले रुस विश्वकपमा पनि बेल्जियमका लागि उत्कृष्ट खेलेका थिए । ब्रुएन रुस विश्वकपको ड्रिम टिममा परेका थिए ।
गत सिजन सिटीलाई प्रिमियर लिगको उपाधि दिलाउन उनले महत्वपूर्ण भूमिका खेलेका थिए । गत सिजन उनले ८ गोल गर्दै १६ गोलका लागि पास उपलब्ध गराएका थिए ।
त्यसैले मोड्रिच टिममा नहुँदा रियलले ब्रुएनलाई राख्न चाहन्छ । जसले गर्दा रियलले उत्कृष्ट नतिजा निकाल्न सफल हुनेछ ।
एजेन्सीको सहयोगमा
