पोखरा । पहिलो संस्करणको सर्वाधिक पुरस्कार राशीको नमस्ते पोखरा प्रिमियर लिग (पीपीएल) टी–ट्वान्टी क्रिकेट प्रतियोगितामा चितवन राईनोजका सन्नी पटेल सर्वोकृष्ट खेलाडी घोषित भएका छन् ।
पोखरा रंगशालामा मंगलबार सम्पन्न प्रतियोगितामा सन्नीले उत्कृष्ट प्रदर्शन गरेका थिए । तर, फाइनलमा उनले चितवनलाई जित दिलाउन सकेनन् ।
पीपीएल क्रिकेटमा सर्वोकृष्ट बन्दै प्लेयर अफ दि टुर्नामेन्ट बनेका सन्नीले सुजुकी जिक्सर १ सय ५५ सीसी मोटरसाइकल प्राप्त गरे ।
यस्तै प्रतियोगितामा उत्कृष्ट ब्याट्सम्यान काठमाडौँका गौरब तोमार घोषित भए । उनले पनि सुजुकी जिक्सर १ सय ५५ सीसी मोटरसाइकल प्राप्त गरे ।
उत्कृष्ट बलर चितवनका करण केसी घोषित भए । उनले सुजुकी जिक्सर १ सय ५५ सीसी मोटरसाइकल नै प्राप्त गरे ।
प्रतियोगितामा मोस्ट भ्यालुएबल प्लेयर ललित नारायण राजवंशी घोषित भए । उनले १ लाख १ हजार प्राप्त
त्यस्तै पीपीएल प्रतियोगिताको इमर्जिङ खेलाडी पोखरा पल्टनका राशिद खान घोषित भए । उनले ५१ हजार नगद प्राप्त गरे ।
