पीएम कप भलिबल चैत १० बाट

काठमाडौं । प्रधानमन्त्री कप महिला भलिबल प्रतियोगिता चैतको दोस्रो साता आयोजना हुने भएको छ ।

बाँके जिल्ला भलिबल संघले बुधबार प्रेस विज्ञप्ति निकाल्दै आठौं संस्करणको पीएम कप चैत १० देखि १५ गतेसम्म नेपालगन्ज रंगशालाको कभर्डहलमा हुने जनाएको छ ।

प्रतियोगितामा देशका चर्चित क्लबसहित भारतका क्लबलाई सहभागि गराउने प्रयास भइरहेको आयोजकले जनाएको छ ।

यसअघि भारतीय चर्चित क्लबका साथै बंगलादेशको टिमले समेत यस प्रतियोगितामा सहभागिता जनाइसकेको छ ।

प्रधानमन्त्री कपको पहिलो संस्करणमा नेपाल पुलिस क्लब, दोस्रोमा नेपाल एपीएफ क्लब, तेस्रो र चौथो संस्करणमा रेलवे इन्डिया, पाँचौंमा एपीएफ, छैटौंमा पुलिसले उपाधि जितेका थिए ।

सातौं संस्करणमा नेपाल एपीएफ क्लब च्याम्पियन बनेको थियो ।