पोखरा । पोखरामा जारी सर्वाधिक पुरस्कार राशीको नमस्ते पोखरा प्रिमियर लिग (पीपीएल) टी–ट्वान्टी क्रिकेट प्रतियोगिता अन्तर्गत आज (आइतबार) हुने दोस्रो खेलमा बुटवल ब्लास्टर्स र पोखरा पल्टनबीच प्रतिस्पर्धा हुँदैछ ।
पोखरा रंगशालामा सोमपाल कामीको टिम बुटवल र शरद भेषवाकरको पोखरा आफ्नो दोस्रो खेल खेल्न मैदान उत्रनेछन् । दुई टिमबीचको खेल अपरान्ह १:३० बजे सुरु हुनेछ ।
पहिलो खेलमा जित निकालेको दुवै टोलीको लक्ष्य लगातार जित निकाल्नु हुनेछ । पहिलो खेलमा बुटवलले शनिबार पारस खड्काको टिम चितवन राइनोजलाई ७० रनले हराएको थियो । जितसंगै २ अंक जोडेको बुटवल शीर्ष स्थानमा छ । बुटवल दोस्रो जित निकाल्दै शीर्ष स्थानमा रहेर सिधै फाइनल पुग्न चाहन्छ ।
पहिलो खेल हेर्दा बुटवल निकै मजबुद टिम देखिएको छ । बुटवलले राष्ट्रिय टिम र उमेर समूहमा चलेका खेलाडीहरु मैदान उत्राने छन् । बुटवललाई राष्ट्रिय टोलीबाट खेलिसकेका सिधान्त लोहनी, राष्ट्रिय टोलीका ललित सिंह भण्डारी, सागर पुन जस्ता खेलाडीलाई साथ रहेको छ ।
यस्तै उमेर समूहका साम्सद शेख, हरि चौहान, शंकर राना, पुरण बिक, हसिम अन्सारी, भिम सार्की, प्रकास केसी, अविनाश बोहोरा, नितेश थापा, बिपिन खत्री जस्ता खेलाडीको साथ रहेको छ । युएईका कप्तान रोहन मुस्तफा र चिराग सुरीको साथले बुटवल थप बलियो बनेको छ ।
पोखराविरुद्ध बुटवलले राष्ट्रिय टिम र उमेर समूहमा चलेका खेलाडीहरु मैदान उत्राने छन् । बुटवललाई राष्ट्रिय टोलीबाट खेलिसकेका सिधान्त लोहनी, राष्ट्रिय टोलीका ललित सिंह भण्डारी, सागर पुन जस्ता खेलाडीलाई साथ रहेको छ ।
यस्तै उमेर समूहका साम्सद शेख, हरि चौहान, शंकर राना, पुरण बिक, हसिम अन्सारी, भिम सार्की, प्रकास केसी, अविनाश बोहोरा, नितेश थापा, बिपिन खत्री जस्ता खेलाडीको साथ रहेको छ । युएईका कप्तान रोहन मुस्तफा र चिराग सुरीको साथले बुटवल थप बलियो बनेको छ ।
यता, २ अंक जोडेको पोखरा लिगको तेस्रो स्थानमा छ । पोखरा पनि दोस्रो जित निकाल्ने लक्ष्यमा हुनेछ ।
घरेलु क्रिकेटमा सफल कप्तान मानिने शरदसंग राष्ट्रिय टोलीका सदस्य र राष्ट्रिय टोलीबाट खेलिसकेका अनुभवी खेलाडीको साथ छ ।
पोखरासंग रोहित कुमार पौडेल, बिनोद भण्डारी, ललित राजवंशी, राशिद खान,कृष्ण कार्की, कुशल भुर्तेल, बिक्रम भुसाल, महबुब आलम, आशिफ शेख र रवि इन्द्र सिंहको साथले बलियो बनाएको छ ।
