काठमाडौं । १३ पटकको युरोपियन च्याम्पियन रियल मड्रिडलाई च्याम्पियन्स लिग अन्तर्गत समूह चरणमा सनसनीपूर्ण रुपमा पराजित गरेपछि सेरिफ टिरासपोलको चर्चा चुलिएको छ ।
यससँगै ट्रान्स—डनिस्टर (ट्रान्सनिस्ट्रीयाको रुपमा समेत चिनिने) देशको पनि चर्चा परिचर्चा सुरु भएको छ । सेरिफ ट्रान्स—डनिस्टरको एक सफल फुटबल क्लब हो ।
ट्रान्स—डनिस्टरको राजधानी टिरासपोलमा अझै पनि पूर्व सोभियत संघको हथौडा र सिकल आकृति गर्व पूर्वक बिलवोर्ड र सरकारी भवनहरुमा प्रदर्शित छ । लेनिनको एक विशाल मूर्ति संसदबाहिर देखिन्छ, जुन सोभियतसँगको गर्व र अतितसँग जोडिएको छ ।
र, अहिले वर्तमानले पनि यसलाई गौरव गर्न लायक क्षण प्रदान गरेको छ ।
सेरिफले मंगलबार सान्टियागो बर्नाबाउमा रियललाई २-१ ले पराजित गर्यो जुन च्याम्पियन्स लिगको सबै भन्दा ठूलो सनसनीपूर्ण नजिता हो ।
सेरिफको यो युरोपको सबैभन्दा ठूलो क्लब प्रतियोगितको पहिलो सिजन हो र समूह चरणको दुई खेलमै शतप्रतिशत नतिजा निकालेको छ । यस अघि शख्तर डोनेस्कलाई २—० ले पराजित गरेको थियो ।
खासमा सेरिफ युरोपेली फुटबलमा अपरिचित नाम थियो । र, च्याम्पियन्स लिगको इतिहासमै पहिलो पटक युरोपको अपरिचित डि फ्याक्टो रिपब्लीक (अन्तर्राष्ट्रिय मान्यता प्राप्त नगरेको) मा आयोजना भएको हो ।
अन्तर्राष्ट्रिय कानूनमा युक्रेनसँग सिमाना जोडिएको ट्रान्स—डनिस्टर सोभियतसँग विघटन भएपछि सन् १९९१ मा बनेको मोलडोभा अन्तर्गत पर्छ ।
सन् १९९२ मा रुससमर्थित विद्रोहीहरुले यहा युद्ध लडे र जब यो अन्त्य भयो हजारौ मानिसको मृत्यु भइसकेको थियो भने मोलडोभाको डनिस्टर खोलाको पूर्व क्षेत्रलाई स्वयम रुपमा नया देशको रुपमा स्थापना गरियो जसले अहिले पनि अन्तर्राष्ट्रिय मान्यता पाएको छैन् ।
ट्रान्स—डनिस्टरले मोलडोभासँगको स्वतन्त्रतालाई गम्भिर रुपमा लिन्छ र यसले आफ्नै पैसा समेत प्रयोग गर्छ जसलाई अन्यत्र मान्यता दिइएको छैन ।
यो क्षेत्र भ्रष्टाचार, संगठित अपराध र तस्कारीका लागि प्रख्यात छ । र, यसलाई कतिपयले तस्करहरुको स्वर्गको रुपमा समेत उपमा दिएका छन् ।
च्याम्पियन्स लिगमा डेब्यु गरेको सेरिफले मोलडोभाको फुटबल लिगमा सन् १९९९ बाट खेल्दै एकछत्र राज गर्दै आएको छ । यो क्लब सेरिफ कम्पनीबाट संचालित छ ।
सेरिफ कम्पनीको वार्षिक कारोबार राज्यको बजेटको लगभग दोब्बर छ र क्लबले कम्पनीको संचित कोषबाट रकम प्राप्त गर्दछ ।
शीर्ष डिभिजनका अन्य क्लबले भाडाको मैदानमा खेल्छन भने सेरिफको दुई सय मिलियन अमेरिकी डलरमा निर्मित आफ्नै खेलमैदान रहेको छ । उसले लिगमा सहभागि भएयता २२ मध्ये २० उपाधि जितेको छ ।
खासमा सेरिफले विरलै स्थानीय खेलाडीमाथि भर परेको छ । मालडोभाको फुटबल संघले घरेलु खेलाडीको कोटा हटाएपछि क्लबहरु विदेशी खेलाडी भित्र्याउन स्वतन्त्र छन् ।
सेरिफ क्लबले दक्षिण अमेरिका र अप्रिकी खेलाडीहरु भित्र्याएका छन् । च्याम्पियन्स लिगको पहिलो प्ले अफमा डिनामो जागरेबमाथिको जितका क्रममा सेरिफमा ११ जना मध्ये १० जना गत वर्षको युरोपियन लिग अघिकै खेलाडी हुन् ।
सन् २०१९ मा क्लबमा ११ जना खेलाडी मोलडोभाको पासपोर्टधारी थिए भने यस सिजनमा जम्मा ६ जना रहेका छन् । च्याम्पियन्स लिगमा खेल्ने क्लबका खेलाडीहरु मलावी, ट्रिनिडाड एण्ड टोबागो, उज्वेकिस्तान, घाना, ब्राजिल, लक्जम्वर्ग र पेरुका खेलाडी छन् ।
हाल सेरिफ क्लब यति बलियो छ कि उसलाई मालडोभको लिगमा कुनै पनि क्लबले निकट भविष्यमा पछि पार्न सक्नेछैन ।
गत संस्करणको लिगमा सेरिफ ३६ मध्ये ३२ वटा खेल जितेको थियो भने एउटा खेलमा मात्र पराजय भोगेको थियो र उसले लिग १६ अंकको अन्तरले जितेको थियो ।
अबको आशा यो छ कि सेरिफको च्याम्पियन्स लिग अन्तर्गतको रियल मड्रिड र इन्टर मिलानको भ्रणमले उत्साहित तुल्याउनेछ ।
- बीबीसीको सहयोगमा
