उपाधिका लागि राडुकानु र फर्नान्डेज भिड्ने

काठमाडौं । बेलायती खेलाडी एम्मा राडुकानु युएस ओपन टेनिसको फाइनलमा प्रवेश गरेकी छिन्।

शुक्रबार भएको सेमिफाइनलमा ग्रीसकी मारिया सक्कारीलाई पराजित गर्दै राडुकानु फाइनलमा पुगेकी हुन्।

१८ वर्षिया राडुकानुले सक्कारीलाई ६-१ र ६-४ को सेटमा हराईन्।

टिनेज खेलाडी राडुकानु पहिलो पटक युएस ओपनको फाइनलमा पुगेकी हुन्।

अब राडुकानुले उपाधिका लागि क्यानडाकी लेला फर्नान्डेजसँग खेल्ने छिन् ।

फर्नान्डेजले आर्यना सबालेन्कालाई ७-६ (७-३), ४-६ र ६-४ को सेटमा पराजित गरिन् ।

१९ वर्षिया फर्नान्डेज पहिलो पटक युएस ओपनको फाइनल पुगेकी हुन्।