जोकोभिच र बार्टी तेस्रो चरणमा

काठमाडौं ।  विश्व नम्बर एक नोभाक जोकोभिच युएस ओपन टेनिसको तेस्रो चरणमा प्रवेश गरेका छन्।

शुक्रबार भएको खेलमा नेदरल्यान्ड्सका टालोन ग्रिएक्सपोरलाई पराजित गर्दै जोकोभिचले तेस्रो चरणको यात्रा गरेका हुन्।

सर्बियन जोकोभिचले टालोनमाथि ६-२, ६-३ र ६-२ को सेटमा पराजित गरे।

अब जोकोभिचले तेस्रो चरणमा जापानका केइ निसिकोरीसँग खेल्नेछन्।

महिलातर्फ विश्व नम्बर एक अस्लेइग बार्टीले तेस्रो चरणमा स्थान बनाएकी छिन्।

अष्ट्रेलियाकी बार्टीले क्लारा टाउसेनलाई ६-१ र ७-५ ले पराजित गरिन्।

अब बार्टीले सेल्बी रोजर्ससँग खेल्ने छिन्।