काठमाडौं । आज जर्मन सुपरकपको पालो । नेपाली समय अनुसार राति १२:१५ बजे बायर्न म्युनिख र बोरुसिया डर्टमण्डबीच सुपरकपको उपाधिका लागि खेल हुनेछ ।
यसैक्रममा विश्व फटबलका दुई उत्कृष्ट स्ट्राइकर आमना सामना हुनेछन्, रोबर्ट लेवान्डोस्की र इर्लिङ हालाण्डका रूपमा । सन् २०२० मा नर्वेली खेलाडी हालाण्ड डर्टमण्डमा आवद्ध भए ।
उनले क्लबमा तुरुन्तै आफ्नो प्रभाव छाडे । उनले सन् २०२०/२०२१ को सिजन सबै खाले प्रतियोगिताका ४१ खेलमा ४१ गोल गरे । लेवान्डोस्कीले यही पछिल्लो सिजन पहिलो पल्ट युरोपेली गोल्डेन बुट अवार्ड जिते । यसैक्रममा उनले ४१ बुन्डेसलिगा खेला ४० गोल गरे र गर्ड मुलरको नाममा रहेको पुराना कीर्तिमान तोडे ।
पछिल्लो समय अनुभवी लेवान्डोस्की र युवा हालाण्डबीच तुलना सुरु भएको छ । हालाण्ड डर्टमण्डमा आएयता उनले चार पल्ट लेवान्डोस्कीको बायर्नको चार पल्ट सामना गरेका छन् । प्रत्येकमा डर्टमण्ड पराजित नै रहेको छ । बराबरी पनि निकाल्न सकेको छैन् । लेवान्डोस्की आफै कुनै समय डर्टमण्डका खेलाडी थिए, सन् २०१४ मा बायर्न आएका थिए ।
त्यसयता उनले २३ पल्ट आफ्नो पूर्व क्लबको सामना गरेका छन् । त्यसमा बायर्न १६ पल्ट विजेता रहेको छ । लेवान्डोस्की आफैले २२ गोल गरेका छन् । त्यस्तै तीन अन्य गोलमा सहयोगीको भूमिका पनि खेलेका छन् । अहिले तत्काल यी दुई मध्ये खासमा को राम्रो त ? यो प्रश्नको सुरुआती उत्तर आजको खेलबाट प्राप्त हुन सक्नेछ ।
खासमा यसपल्टको बुन्डेसलिगाको पूरा सिजन यही प्रश्नमा केन्द्रित हुन सक्नेछ । बायर्नमाथि लगातार दसौं पल्ट लिग उपाधि जित्ने चुनौती छ र विश्वास छ, यो सजिलो हुने छैन् । बायर्नका लागि प्रमुख चुनौती डर्टमण्डबाटै तेर्सिने छ । यस्तोमा लेवान्डोस्की र हालाण्डमध्ये को राम्रो भन्ने प्रश्न अझ महत्त्वपूर्ण हुनेछ ।
–मार्काको सहयोगमा ।
