काठमाडौं । फ्रेन्च क्लब पेरिस सेन्ट जर्मेन (पीएसजी) का फरवार्ड लियोनल मेस्सीले आफ्नो लक्ष्य र सपना च्याम्पियन्स लिग जित्ने रहेको बताएका छन् ।
पीएसजीमा अनुबन्धित भएपछिको पहिलो पत्रकार सम्मेलनमा बोल्दै मेस्सीले आफ्नो लक्ष्य पीएसजीबाट च्याम्पियन्स लिग जित्ने रहेको बताएका हुन् ।
'मेरो लक्ष्य र सपना फेरि पनि च्याम्पियन्स लिग जित्ने हो,' मेस्सीले पत्रकार सम्मेलनमा भने ।
अर्जेन्टिनी कप्तान मेस्सीले बार्सिलोनाका लागि ४ पटक च्याम्पियन्स लिग जितेका थिए । मेस्सीले पीएसजीका लागि पनि च्याम्पियन्स लिग जित्ने चाहना व्यक्त गरेका हुन् ।
बार्सिलोनाको एकेडेमीमा हुर्किएका मेस्सी ला लिगाको वित्तीय संरचनाको कानुनी अडचनले गर्दा सम्झौता नवीकरण गर्न असफल भएका थिए । त्यसपछि उनी पीएसजीमा अनुबन्धित भएका हुन् ।
३४ वर्षीय मेस्सीले पीएसजीसँग दुई वर्षको सम्झौता गरेका छन् । पीएसजीले मेस्सीलाई सम्झौता थप गर्नका लागि विकल्प समेत दिईएको छ ।
६ पटकको बालोन डी ओर विजेता मेस्सी क्याटलन क्लबका लागि ७ सय ७८ खेलमा ६ सय ७२ गोल गरेका थिए ।
-1751975074.jpeg)
