एलेक्सजेन्डरलाई स्वर्ण

एजेन्सी । जर्मनीका टेनिस स्टार एलेक्सजेन्डर ज्वेरभले टोकियो ओलम्पिकमा टेनिसको पुरुष एकलमा स्वर्ण पदक जितेका छन् ।

आइतबार भएको खेलमा रुसी खेलाडी करिन खाचानोभलाई पराजित गर्दै एलेक्सजेन्डरले स्वर्ण जितेका हुन् ।

पाँचौं वरीयताका एलेक्सजेन्डरले खाचानोभलाई ६-३ र ६-१ को सेटमा पराजित गरे ।

यस अघि सेमिफाइनलमा एलेक्सजेन्डरले नोभाक जोकोभिचलाई हराएका थिए  ।

यस्तै खाचानोभले स्पेनका पाब्लो बुस्टालाई हराएका थिए ।

महिलातर्फको स्वर्ण स्विट्जरल्यान्डकी बेलिन्डा बेनिसिचले जितिन् ।