काठमाडौं । भुटानमा जारी साफ यू-१८ महिला च्याम्पियनसिपको पहिलो खेलमा नेपालले फराकिलो जित निकालेको छ । शुक्रबार भएको खेलमा नेपालले पाकिस्तानमाथि १२ - ० को फराकिलो जित निकालेको हो ।
थिम्पुस्थित चाङलिमिथाङ मैदानमा नेपालले पाकिस्तानविरुद्ध गोलको बर्षा गर्यो । नेपालको जितमा रेखा पौडेल एक्लैले आधा दर्जन बढी गोल गरिन् । रेखा एक्लैले दोहोरो ह्याट्रिकसहित ७ गोल गरिन । यस्तै सरु लिम्बु, अलिसा जाम्बा, मन्जली कुमारी योन्जन, मनिषा राउत र रश्मी कुमारी घिसिङले एक एक गोल गरिन ।
जितसंगै समूह 'बि' मा रहेको नेपालले महत्वपूर्ण ३ अंक जोडेको छ । र, नेपालले सेमिफाइनलमा पुग्ने सम्भावना बलियो बनाएको छ ।
उपाधि जित्ने लक्ष्यसहित भुटान पुगेको नेपालले आगामी मंगलबार बङ्गलादेशको सामना गर्नेछ ।
नेपालको जित तस्विरमा हेर्नुस:
तस्विर : भुटान फुटबल फेडेरेसन (Bhutan Football Federation)
