प्रस्फुटन, एजिएम र जगत मन्दिर अर्को चरणमा

काठमाडौं । प्रस्फुटन, एजिएम र जगत मन्दिर स्कुल तेश्रो पिस प्वाईन्ट कप फुटबल प्रतियोगितामा ब्वाईजतर्फ जित हात पारेका छन् ।
मंगलबार भएको प्रतियोगितामा प्रस्फुटनले क्यम्ब्रिज स्कुललाई २-१ ले पराजित गर्दै अर्को चरणमा प्रवेश गरेको हो । प्रस्फुटनका आकाश जैसवाल र राज राईले गोल गरे । क्याम्ब्रिजकालागि एक मात्र गोल राज थापाले गरे । क्याम्ब्रिजका समर्पण भण्डारी म्याचका उत्कृष्ट खेलाडी भए ।

सानो गौचरणमा भएको प्रतियोगिताको दोश्रो खेलमा एजिएमले गोल्डेन पिकलाई ४-२ गोल अन्तरले पराजित ग¥यो । एजिएमकालागि सुशिल बसानिलले २, अंकुर थापा मगर र बिशाल शेरचनले एक एक गोल गरे । गोल्डेन पिककालागि म्यान अफ दि म्याच निखिल दर्नाल र क्षितिज राईले एक एक गोल गरे ।

यस्तै जगत मन्दिरले आकाशगंगालाई ३-२ गोल अन्तरले पाखा लगायो । जगत मन्दिरका दोर्जे शेर्पाले २ र शाहिल राईले एक गोल गरे । आकाश गंगाका सुजन लुईंटेल र दनुर्वा शेर्पाले एक एक गोल गरे । जगत मन्दिरका सुदर्शन श्रेष्ठ खेलको उत्कृष्ट खेलाडी घोषित भए ।