अफगानी क्रिकेटर शफिकलाई ६ वर्षको प्रतिबन्ध

एजेन्सी । अफगानिस्तानका विकेटकिपर ब्याट्सम्यान शफिकउल्लाह शफिकलाई क्रिकेटमा ६ वर्षको प्रतिबन्ध लागेको छ ।

अफगानिस्तान क्रिकेट बोर्डले भ्रष्ट्राचारसम्बन्धिको नियम तोडेको भन्दै शफिकलाई सबै खाले क्रिकेटमा ६ वर्षको प्रतिबन्ध गरेको हो ।

शफिकलाई अफगानिस्तान प्रिमियर लिग र बंगलादेश प्रिमियर लिगमा म्याच फिक्सिङ गरेको आरोप लगाईएको छ ।

उनलाई सन् २०१८ मा नंगाहर लियोपार्ट्सबाट अफगानिस्तानको लिग र सन् २०१९ मा सिलेट थन्डरबाट बंगलादेशको लिग खेल्दा भ्रष्ट्राचारसम्बन्धिको नियम तोडेको आरोप लागेको छ ।

३० वर्षे ब्याट्सम्यानले अफगानिस्तानका लागि २४ एकदिवसीय र ४६ टी-ट्वान्टी खेलेका छन् ।

यस्तै अफगानिस्तानको बोर्डले अन्य खेलाडीलाई पनि प्रतिबन्धको चेतावनी दिएको छ ।

'यो गम्भीर अपराध हो जहाँ धेरै राष्ट्रिय खेलाडी भ्रष्ट्राचारमा संलग्न छ,' बोर्डका सिनियर एन्टी करप्सन म्यानेजर सायद अन्वर शाहले भने ।