काठमाडौं । फुटबलमा लामो समयको निलम्बनपछि फरवार्ड विमल घर्ति मगर मैदान फर्किएका छन् ।
सहिद स्मारक 'ए' डिभिजन लिग फुटबल अन्तर्गत सिजनको अन्तिम खेलमा मछिन्द्र क्लबको जर्सीमा उत्रदै विमलले फुटबलमा पुनरागमन गरेका हुन् ।
त्रिपुरेश्वरस्थित दशरथ रंगशालामा त्रिभुवन आर्मीविरुद्धको खेलमा विमल प्लेईङ सेटमा पर्दै मैदान फर्किएका हुन् ।
अखिल नेपाल फुटबल संघ (एन्फा) को करिब तीन महिनाको निलम्बनबाट फुकुवा भएपछि विमल मैदान फर्किएका हुन् ।
मछिन्द्रले विमललाई मोसफलको प्रतियोगितालाई मध्ये नजर गर्दै सिजनको अन्तिममा अनुबन्ध गरेको हो । विमलले बैशाखमा हुने राष्ट्रिय लिग समेत मछिन्द्रबाट खेल्ने छन् ।
राष्ट्रिय टिमबाट विश्वकप छनोटको खेल खेल्न भुटान उड्नु अघिल्लो रात नाईट क्लबमा भेटिएपछि विमल सहित राष्ट्रिय फुटबल टिमका चार खेलाडीलाई एन्फाले कारबाही गरेको थियो ।
विमलसहित अन्जन विष्ट, दिनेश राजवंशी र सन्तोष तामाङ एन्फाको कारबाहीमा परेका थिए । अन्जन र सन्तोषलाई ४५ दिन फुटबल खेल्न प्रतिबन्ध लगाईएको थियो भने विमल र दिनेशलाई ९० दिनको प्रतिबन्ध लागेको थियो । तर, उनीहरुको प्रतिबन्ध पछि केहि घटाईएको थियो ।
