पुनर्वास । आयोजक पुर्नवास नगरपालिकाको निलो टिम र धनगढी उपमहानगरपालिका प्रथम मेयर कप फुटबल प्रतियोगिताको सेमिफाइनलमा प्रवेश गरेका छन् ।
कञ्चनपुरको पुनर्वासमा मंगलबार भएको पहिलो क्वाटरफाइनलमा भिमदत्त नगरपालिकालाई २–० ले हराएर पुर्नवास निलो अन्तिम चारमा पुगेको हो । पुर्नवासका लागि सुदिप घर्ती र सुदिप तामाङले एक एक गोल गरे । खेलको म्यान अफ द म्याच पुर्नवासका सुदिप तामाङ चुनिए ।
दोस्रो खेलमा धनगढी उपमहानगरपालिकाले आयोजक पुर्नवास नगरपालिका रातोलाई ३–२ ले पराजित गर्यो । धनगढीका किरण वोहोरा, कप्तान कुवेर सिंह र अमन चौधरीले एक एक गोल गरे । पुर्नवास रातोका कप्तान फिलिप तामाङले दुई गोल फर्काए ।
प्रतियोगिता अन्तर्गत बुधबार पनि दुई खेल हुनेछन् । पहिलो खेलमा वेलौरी नगरपालिका र मधुवन नगरपालिका वर्दिया तथा दोस्रो खेलमा गोदावरी नगरपालिका र महाकाली नगरपालिकाबीच प्रतिस्पर्धा हुनेछ ।
प्रतियोगिताको विजेताले ३ लाख नगद प्राप्त गर्दा दोस्रोले २ लाख नगद पाउने छन् । प्रतियोगिताको बेस्ट प्लेयरलाई दश हजार नगद र बेस्ट स्कोररलाई सात हजार नगद तथा बेस्ट किपर, राइजिङ प्लेयर र बेस्ट डिफेन्सलाई पाँच हजारले पुरस्कृत गरिने छ ।
-1747226778.jpeg)
