काठमाडौं । मादी नगर रनिङकप आमन्त्रित फुटबल प्रतियोगिता माघ १६ गतेबाट हुने भएको छ ।
आयोजक हाङथुङ क्लबले बिहिबार पत्रकार सम्मेलन गर्दै चौथो संस्करणको प्रतियोगिता माघको १६ गतेबाट २० गतेसम्म हुने जानकारी गराएको छ ।
प्रतियोगितामा ८ टोलीले सहभागिता जनाउने छन् । प्रतियोगितामा आयोजक क्लबसहित संखुवासभाका मिर्मिरे तामाफोक र मानेभञ्ज्याङको एडभान्स क्लबले प्रतियोगितामा सहभागिता जनाउने पक्का भएको क्लबका सन्दीप घिमिरेले जानकारी दिए ।
यस्तै झापा, मोरङ, सुनसरी, धनकुटा लगायतका जिल्लाबाट समेत उत्कृष्ट क्लबहरु सहभागि हुने आयोजकले जानकारी दिएको छ ।
प्रतियोगिताको विजेताले १ लाख १५ हजार र उपविजेताले ७५ हजार रुपैयाँ प्राप्त गर्ने छन् । यस्तै विधागतरुपमा उत्कृष्ट खेलाडीहरुलाई समेत पुरस्कारको व्यवस्था गरिएको छ ।
