एजेन्सी । पछिल्ला एक दशक विश्व फुटबलमा क्रिस्टियानो रोनाल्डो र लियोनल मेस्सीले एकछत्र राज गरे । उनीहरुको छेउसम्म कुनै खेलाडी देखा परेनन् ।
ढल्कदो उमेरले ३४ वर्षका रोनाल्डो र ३२ वर्षे मेस्सीले अब लामो समय पुरानै विरासत कायम गर्न सक्ने छैनन् । केही बर्षमा दुवै खेलाडी विश्व फुटबलमा ओझेल पर्दै जानेछन् ।
विश्व फुटबलमा करिब एक दशक राज गरेका मेस्सी र रोनाल्डोको स्थान अब कुन खेलाडीले लैजाला ?
युरोेपेली फुटबलमा बेला बेलामा प्रश्न उठ्ने गर्छ । र चर्चा हुने गर्छ ।
यसै बिषयमा युरोपेली मिडियाका खेल पत्रकार र फुटबल पण्डितले मेस्सी र रोनाल्डोपछि विश्व फुटबलको शीर्ष स्थानमा आउन सक्ने खेलाडीको सूचि तयार पारेका छन् ।
१. केलियन एमबाप्पे (पीएसजी)
एमबाप्पे मात्र २१ वर्षका छन् । उनी सन् २०१८ को विश्वकप विजेता समेत हुन् । तिब्र गतिमा गोल गर्न सक्ने खास क्षमता उनी राख्छन् ।
मेस्सी र रोनाल्डोको कारण उनी विभिन्न उपाधिमा छायाँमा पर्दै आएका छन् ।
एमबाप्पे अहिले फ्रान्सेली क्लब पेरिस सेन्ट जर्मन (पीएसजी)का मुख्य खेलाडी हुन् । जब उनले पीएसजी छाड्ने छन्, तब उनको मूल्य कति छ भन्ने थाहा हुनेछ ।
सायद चाँडै यसको टुङ्गो लाग्नेछ । विश्व कीर्तिमानी मूलयमा उनले क्लब परिवर्तन गर्नेमा कुनै दुविधा छैन ।
एमबाप्पे आफ्नो उमेर समूहका सबै भन्दा उत्कृष्ट खेलाडी हुन् ।
२. जोआ फेलिक्स
२० वर्षे फेलिक्सलाई बेन्फिकाबाट एट्लेटिको मड्रिडले कीर्तिमानी १ सय १३ मिलियन युरोमा अनुबन्धन गरेको थियो । फिलिक्सलाई एटलेटिकोले लगाएको मुल्य विश्व फुटबलको सर्वाधिक तेस्रो महँगो मुल्य हो ।
पोर्चुगलमा फुटबलका लागि तयार बनेका फेलिक्स रोनाल्डोको जस्तै क्षमता भएका खेलाडी मानिन्छन् । उनले सन् २०१९ को गोल्डेन ब्वाई अवार्ड जितेका थिए ।
फेलिक्स आगामी दिनमा क्लब र राष्ट्रका लागि ठुलो पहिचान बनाउन सक्ने क्षमता राख्छन् ।
३. जाडोन साञ्चो
जर्मन क्लब बोरुसिया डर्टमन्डका महत्पूर्ण खेलाडी साञ्चोले पछिल्लो समय क्लबबाट उत्कृष्ट प्रर्दशन गर्दै आएका छन् । उनमा गोल गर्ने, गोलको अवसर सिर्जना गर्ने क्षमता र आत्मविश्वास प्रभावकारी छ ।
उनले हरेक दिन, हरेक खेलमा आफ्नो प्रदर्शनमा निखार ल्याउँदै आएका छन् । उनी जस्तै युवा खेलाडीले आफु मात्र गोल गर्न चाहान राख्छन् । तर उनले गोल भन्दा गोलका लागि सहयोग गर्नमा बढी रमाएको देखिन्छन् ।
गत सिजन खासै प्रभाब जमाउन नसकेका उनले महत्पूर्ण खेलमा क्लबलाई नतिजा दिईरहेका छन् । अनुशासनमा सुधार गरेमा उनी आगामी दिनमा उनी विश्व फुटबलको उत्कृष्ट खेलाडी बन्न सक्छन् ।
४ अन्सु फाती
‘विजुली जस्तो तिव्रता, उत्कृष्ट ड्रिब्लिङ क्षमता, खेल बुझ्न सक्ने र प्राकृतिक रुपमा गोल गर्न सक्ने खेलाडी’ यो नै १७ वर्षे खेलाडी अन्सुको छोटो कथा हो ।
१० वर्षको उमेरमा फाती बार्सिलोनाको एकेडेमीमा भर्ना भएका थिए । उनी बर्सिलोनाका लागि सबै भन्दा कम उमेरमा गोल गर्ने खेलाडी हुन् । फाती बर्सिलोनाका लागि एकै खेलमा गोल र असिस्ट गर्ने कम उमेरको खेलाडी हुनुका साथै च्याम्पियन्स लिगमा खेल्ने कम उमेरका खेलाडी हुन् ।
उसको प्रदर्शन र खेल्ने शैलीमा मेस्सीको झलक देखिने गर्छ ।
५. ट्रेन्ट एलेक्जेण्डर अर्नोल्ड
फुटबलमा आक्रमक खेलाडीले ग्ल्यामर प्रदान गर्ने गर्छ । तर लिभरपुलका २१ वर्षे एलेक्जेण्डर डिफेन्सको साथै साथै आक्रमक खेल पस्किन्छन् । उनको आक्रमणमा गोल हुने सम्भावना बलियो हुन्छ । जो उनको बलियो पक्ष हो ।
एलेक्जेण्डरले लिभरपुलसंग च्याम्पियन लिगको उपाधि जितिसकेका छन् । आउँदो युरो कपमा उनले इंग्ल्याण्डको पहिलो रोजाईका राइट ब्याकको स्थान बनाउन सक्नेछन् । एलेक्जेण्डरको बल पासिङ र गोलको मुभ सिर्जना गर्ने क्षमताको कारण आगामी दिनमा उनले आफुलाई विश्वकै उत्कृष्ट मिडफिल्डरको रुपमा परिवर्तन गर्न सक्छन् ।
६. काई हाभर्ट्ज
हभर्ट्ज जर्मनीले पाएको अहिलेसम्मकै उत्कृष्ट प्रतिभा मानिन्छन् । २० वर्षको उमेरमा हाभर्ट्जले सय भन्दा बढी खेल खेलेका छन् ।
उनको प्रर्दशन कायम रहेमा उनी विश्वका उत्कृष्ट मिडफिल्डरका रुपमा विश्वका चर्चित क्लबमा कीर्तिमानी मुल्यमा सरुवा हुनेछ ।
७. फिल फाेडेन
म्यानचेस्टर सिटीका पुर्व डिफेन्डर रिचार्ड फिललाई प्रिमियर लिगको सर्वोत्कृष्ट खेलाडी मान्छन् । उनले जति सक्दो राम्रो खेल्दै आफ्नो खेलमा निखाल ल्याउन पर्ने छ ।
उनको विचारमा फिलले यस सिजन प्रिमियर लिगमा २५ भन्दा बढी खेल नपाए क्लब परिवर्तन गर्नुपर्छ । फिलको क्षमता देखेर मिका सुझाव दिन्छन् ।
‘यो समय फिलले धेरै खेल खेलेर आफुलाई विकास गर्ने समय छ ।’ उनले भने ।
फोडेन सिटीमा रहे पेप ग्वार्डिवाला जस्तै खेल्न सक्ने र विश्वका उत्कृष्ट मिडफिल्डर बन्न सक्ने धेरै फुटबल पण्डितको विश्वास छ ।
८. रोड्रिगो
रोड्रिगोले रियल म्याड्रिडबाट डेब्यु गर्दा मात्र ९४ सेकेण्ड मैदानमा बिताएका थिए ।
दोस्रो खेलमा समेत बैकल्पिक खेलाडीको रुपमा मैदान प्रवेश गरेका उनले अन्य खेलमा भने प्लेईङ सेटमै स्थान बनाउन सफल रहे । उनको क्षमता देखेर नै मुख्य प्रशिक्षक जिनेदिन जिदानले विश्वास गरेका थिए ।
दुवै खुट्टाले समान खेल देखाउने रोड्रिगोले गलातासारेविरुद्ध च्याम्पियन लिगमा ह्याट्रिक गरेका थिए । सो खेल पछि उनमा जिम्मेवारी थपिएको छ । तर दबाबका बीच उनको खेलमा केही परिवर्तन आएको छैन ।
उनी एक लजालु, शान्त र युवा खेलाडी हुन् । जसले अभ्यासमा समेत उत्कृष्ट प्रतिभा देखाउने गर्छन । उनी ठुला खेलाडीबाट सिक्न रुचाउँछन् । रियल मड्रिडको ड्रेसिङ रुममा उनी सबै भन्दा प्रशंसा पाउने खेलाडी हुन् ।
९. मासन ग्रिनउड
मसन ग्रिनउडले युवा अवस्थामा नै आफु अन्य खेलाडी भन्दा फरक रहेको प्रमाणित गरिसकेका छन् ।
जब युवा खेलाडी मैदानमा प्रदर्शन गर्छन्, उनीहरु निकै आलोकाँचो देखिने गर्छन् । तर मासनको खेल भने फरक छ ।
उनी अनुभबी खेलाडी भन्दा केही फरक प्रदर्शन गर्नबाट चुक्ने गर्दैनन् ।
मासनमा गोल गर्ने इच्छा शक्ति र निडरपन छ । जति उनी खेलमा केन्द्रित हुन्छन्, प्रर्दशनमा निखार ल्याउँदै करियर अघि बढाउने छन् ।
१० डेली अली
टोटेनहमका डेली अली प्रशिक्षक जोसे माउरिन्हो रहुन्जेल आफ्नो खेललाई फरक स्तरमा पुर्याउन सक्नेछन् । माउरिन्होले जसरी चेल्सीमा फ्रान्क लाम्पार्डलाई विकास गरेका थिए । माउरिन्होले डेलीको खेलमा निखार ल्याउन सक्छन् ।
खेललाई मरोञ्जनको रुपमा लिने र गोल गर्ने चरित्रमा निखार र सुधार ल्याउन सक्ने क्षमता माउरिन्हो रहेको मानिन्छ ।
माउरिन्होको हातमा रहेका कारण अलीमा थप सुधार आउने विश्वास धेरैको छ । माउरिन्होको माग उच्च छ, तर डेलीलाई समेत माउरिन्होको आवश्यक रहेको छ ।
(एजेन्सीकाे सहयाेगमा)
