एजेन्सी । आर्सनलका नवनियुक्त प्रशिक्षक मिकेल अर्टेटाले फरवार्ड निकोलस पेपे आर्सनलको उत्कृष्ट खेलाडी बन्न सक्ने बताएका छन् ।
म्यानचेस्टर सिटीका दुई युवा खेलाडी रहिम स्ट्रर्लिङ र लोरी सानेको खेलमा सुधार ल्याउन ठूलो भूमिका खेलेका अर्टेटाले पेपेले पनि उनीहरुको स्तर भेट्टाउन सक्ने बताए । तर, त्यसका लागि पेपेले आफुमा सुधार ल्याउनु पर्ने अर्टेटाले बताए ।
‘मेरो विचारमा फ्रान्सबाट उहाँ आउनु ठूलो परिवर्तन हो,’ अर्टेटाले भने, ‘हामी यहाँ उसलाई सहयोग गर्न आएका छौं । उ सिक्न र कडा परिश्रम गर्न इच्छुक छ भने म विश्वस्त छु उसँग उत्कृष्ट खेलाडी हुने सम्भावना छ ।’
पेपे यसै सिजन फ्रेन्च क्लब लिलीबाट आर्सनल आएका थिए । उनले आर्सनलका लागि १६ खेलमा २ गोल र ३ गोलको लागि पास मिलाईदिएका छन् ।
प्रशिक्षक अर्टेटाले आइभरी कोस्टका फरवार्ड पेपेले उत्कृष्ट खेलाडी बन्ने लक्षण समेत देखाईसकेको बताए ।
‘उसले बर्नेमाउथविरुद्धको खेलमा आफ्नो प्रर्दशन देखाएका थिए । उ कति राम्रो छ भनेर तर निरन्तर रहनुपर्छ,’ प्रशिक्षक अर्टेटाले थपे ।
