एजेन्सी । ईङ्लिस प्रिमियर लिग फुटबलमा म्यान्चेष्टर सिटीले लेस्टर सिटीलाई हराएको छ ।
शनिबार भएको खेलमा सिटीले लेस्टरलाई ३–१ गेल अन्तरले हराएको हो ।
सिटीले लिगको दोस्रो स्थानको लेस्टरलाई हराउँदा शीर्ष स्थानको लिभरपुलले १० अंकको अग्रता बनाएको छ ।
तालिकाको तेस्रो स्थानको सिटीले लेस्टरलाई हराउँदा लिभरपुलको १० अंकको अग्रता बनेको हो ।
शीर्ष स्थानको लिभरपुलको ४९ अंक छ । लेस्टर ३९ अंक सहित दोस्रो र सिटी ३८ अंक सहित तेस्रो स्थानमा छ ।
सिटीको घरेलु मैदानमा अग्रता भने लेस्टरले जेमी भार्डीको गोलबाट २२ औं मिनेटमा लिएको थियो ।
लेस्टरको पुर्व स्टार रियाद महरेजले ३० औ मिनेटमा खेल बराबरीमा ल्याएका थिए ।
ईल्के गुन्डोगनले ४३ औं मिनेटमा पेनाल्टीमा गोल गर्दै घरेलु टोली सिटीलाई अग्रता दिलाए ।
केभिन डी ब्रुइनीको पासमा ग्याब्रियल जिससले ६९ औं मिनेटमा गोल गर्दै सिटीको जित सुनिश्चित गरेका थिए ।
जारी सिजनमा ब्रुईनीले १३ गोलको अवसर सिर्जना गरेका छन् । उनैबाट प्रेरित सिटीले शीर्ष स्थानको लिभरपुलसंगको अंक दुरी १० मा झारेको छ ।
