शुक्रबार, असोज ३, २०८२
Khelpati Logo
Khelpati Ad
Logo
  • गृह पृष्ठ
  • फुटबल
  • क्रिकेट
  • भलिबल
  • ट्रयाक एण्ड फिल्ड
    • दौड
    • म्याराथन
    • हाईजम्प
    • त्रिपलजम्प
    • हर्डल्स
    • शटपुट
  • मार्शल आर्ट
    • तेक्वान्दो
    • कराते
    • बक्सिङ
    • जुडो
    • उसु
    • फेन्सिङ
    • कुस्ती
    • किक बक्सिङ
    • मुवा थाई
    • मार्सल आर्ट
    • कुम्फु
  • नेट-गेम्स
    • बास्केटबल
    • टेबल टेनिस
    • हयाण्डबल
    • बास्केटबल
    • ब्याडमिन्टन
    • लन टेनिस
    • स्क्वास
    • सेपाकताक्रो
  • खेल संस्था
  • अन्य
  • कर्पोरेट
  • विशेष कभरेज
    • 'ए' डिभिजन लिग
    • SAFF Championship 2023
    • FIFA Women's World Cup 2023
    • A Division League
    • 8th national games
    • ICC Cricket World Cup 2019
    • A DIVISION LEAGUE - 2021-22
    • एसियन गेम्स २०२३
Khelpati
कखरा पब्लिकेशन प्रा.लि

हाम्रो टीम

प्रधान सम्पादकराजु घिसिङ
प्रमुख कार्यकारी अधिकृतसजिव भट्टराई
मल्टिमिडिया प्रमुखइलिट जोशी
संवाददाताउज्वल तिमल्सिनासन्ध्या ढुंगाना
प्रदेश संयोजकहिमालयन मनोजनमिन ढकाल

समाचार प्रकाशन

समाचारको लागि9851010077khelpati7@gmail.comnews@khelpati.com
विज्ञापनको लागि 9851085203marketing@khelpati.com

सम्पर्क ठेगाना

support@khelpati.com
+977-9800000000
माइतीघर मण्डला, काठमाडौं
सूचना विभाग दर्ता न: १०१२/०७५-७६
© 2025 Khelpati. All rights reserved.
By Beeaver Tech Pvt. Ltd
  1. Home
  2. /
  3. खेलपाटी विशेष
  4. /
  5. राता मान्छेले दिलाएको स्वर्ण

राता मान्छेले दिलाएको स्वर्ण

२०१९ डिसेम्बर ५, बिहिबारहिम बिक्रम केसी

राता मान्छेले दिलाएको स्वर्ण

काठमाडौं ।

बुधबार कराँतेको ६८ केजीमाथि कुमुतेमा अनुपमा मगरले स्वर्ण जितिन् ।

एसियन गेम्सकी पाकिस्तानी पदकधारीलाई हराउँँदै अनुमपाले स्वर्ण जितेकी हुन् ।

भनिन्छ, ईतिहास जित्नेकै लेखिन्छ ।

यदी जित्नेको ईतिहास लेख्ने हो भने अनुमपा मगरको ईतिहास छुट्न हुदैन ।

एक ईतिहास उनका बारेमा लेख्न हकै लाग्छ ।

अनुपमाले रचेको ईतिहास माओबादी युद्वको पृष्ठभुमीमा तयार भएको हो ।

एक समय थियाे।

माओबादी जनयुद्व उत्कर्षमा थियो । सर्वहारा वर्गको मुक्तीको नाराले देश रक्ताम्य देखिन्थ्यो । मर्ने र मार्ने खेल सामान्य मानिन्थ्याे । 

युद्वको गाथा मात्र हैन, रक्तिम गित र संगितले गाउँ शहर उछालिएको थियो ।

त्यही नाच गानामा उदयपुर लेखानीमा बाल्यकाल बिताईरहेकी अनुपमा समेत आकर्षित भईन् ।

उमेरले भर्खरै १३ कटेकी थिईन् । पढाईको कक्षा ५ मा टेक्दै थियो । सबै चिज त्यागेर उनी माओबादी युद्वमा होमिने निर्णय लिईन् ।

परिवार उनको सानो थिएन । परिवारमा ६ दिदी बहिनी र ३ दाजु भाई थिए । उनी सन्तानमा माईली थिईन् । परिवारको आर्थिक अवस्था ठिक थिएन । पढ्ने बातावरण पनि भएन ।

अन्यौलग्रस्त भविष्यकाबीच उनको शैशवकालले क्रान्तिमा होमिने जोखिमपुर्ण निर्णय लियो ।

उनले जिल्लामै बसेर संगठनको काम गरिन् । युद्धकालमा पाटी र लडाकुका सामान ओसार्ने काम गरिन् । बाँकी समय नाच गान छदै थियो । संगठनमा रमाईलै थियो ।

तत्कालिन समयमा हरेक ब्यक्तिलाई युद्धमा प्रयोग गर्ने माओबादी रणनीति थियो ।

अनुपमाले ईमान्दार रहेर तत्कालिन समयमा पाटीलाई सहयोग गरिन् । माओबादी क्रान्तिको शारथी बनिन् ।

समय उही रहेन ।

माओबादी युद्धले शान्तिपुर्ण राजनीति अंगिकार गर्ने अवस्थामा पुग्यो । नेतृत्व सहित राता मान्छेहरु शहर पस्न थाले । शान्तिपुर्ण जनआन्दोलनमार्फत देश संविधान निर्माणको राजनीतिक कोर्समा प्रवेश गर्यो ।

लडाकु बस्ने गरि माओबादीको छुट्टा छुट्टै शैन्य डिभिजन खडा भए ।

त्यही समय अनुपमा माओबादीको सातौ डिभिजन सिन्धुलीमा रहने भईन् ।

तत्कालिन माओबादी लडाकुहरु सेना समायोजनलाई पर्खिएर बसेका थिए ।

शैन्य शिविरमा रहँदा सिनियरहरु अनुपमालाई कराँते खेल्न उस्काउथे । भखैरै उमेर चढ्दै गरेकी अनुपमा समायोजनमा सेनामा भर्ती भएर जागिर खानुपर्ने धेरैको राय थियो ।

अनुपमाको उमेरसंगै माटोपन समेत बढ्दै गएको थियो । शरिर घटाउन उनले कराँते खेल्न थालिन् । खेल बिस्तारै राम्रो हुदै थियो ।

त्यही समय घरेलु खेलकुद पाँचौ राष्ट्रिय खेलकुदको तयारीमा थियो ।

भर्खरै युद्धको तापबाट आएको माओबादी हरेक क्षेत्रमा आफुलाई स्थापित गर्न अभिशप्त देखिन्थ्यो ।

माओबादीले पीएलए टिम खडा गरेर राष्ट्रिय खेलकुदमा सहभागीता जनाउने तयारी गर्दै थियो ।

अनि पीएलएको टिम बनाउने जिम्मेवारी प्रशिक्षक धुव्र बिक्रम मल्लले पाएका थिए ।

उनले माओबादीको सबै डिभिजन सिविरमा पुगेर खेलाडी छान्ने काम थाले ।

सिन्धुली सातौं डिभिजनमा पुग्दा उनको नजर अनुपमामा अडियो ।

अनुपमाको प्रतिभाबाट उनी प्रभावित भए ।

उनले सिन्धुली डिभिजनबाट कराँतेमा अनुपमालाई काठमाडौं ल्याए । बालाजुको डोजोमा राखेप अनुपमा सहित पीएलएका खेलाडीको प्रतिभा निखार्ने काम गरे ।

विवादका बीच अनुपमाले पीएलए क्लबबाट राष्ट्रिय खेलकुद प्रतियोगितामा ईन्ट्री मारिन् ।

समयको गति अघि बढ्दै गयोे ।

उनले माओबादीबाट स्वच्छिक अवकास लिएसंगै कराँतेमै आफुलाई समर्पित गर्ने मनसाय बनाईन् ।

त्यसयता उनी निरन्तर कराँतेमा आबद्ध छिन् । राष्ट्रिय प्रतियोगिता हुँदै एसियन गेम्ससम्म उनले आफुलाई प्रमाणित गर्दै आएकी छिन् । अन्तिम घडीमा साग खेलकुदमा प्राप्त स्वर्ण त्यसैको निरन्तरता हो ।

उनले एसियन गेम्सकी पाकिस्तानकी पदकधारी नर्गिसलाई हराउँदै साग खेलकुदमा स्वर्ण जितिन् ।

'प्रतिस्पर्धीहरु बलिया थिए । खेलको बिषयमा सोचेको थिए । योजना बनाएको थिए । योजना अनुसार खेल्दा सफल भए ।' मंगलबार स्वर्ण जितेपछि खेलपाटीसंग अनुपमाले भनिन् ।

उनले हराएका प्रतिद्वन्दी सामान्य थिएनन् ।

सेमिफाईनलमा उनी श्रीलंकन खेलाडीसंग भिडेकी थिईन् ।

केही समयअघि मात्र बंगलादेशमा भएको साउथ एसियन च्याम्पियनसिपमा अनुपमा फाईनलमा उनै खेलाडीसंग हारेकी थिईन् ।

फाईनल खलेकी नर्गिस त एसियन गेम्सकी पदकधारी थिईन् । उनले मंगलबारमात्र टिम ईभेन्टमा एक्लै पाकिस्तानलाई स्वर्ण जिताएकी थिईन् । प्रतिद्वन्दी सबै खेलाडीलाई नकआउट हानेकी थिईन् । उनै नर्गिसलाई निराश बनाउँदै अनुपमाले स्वर्ण जितेकी हुन् ।

'फाईनल प्रतिद्वन्दी एसियन गेम्सकी मेडलिस्ट थिईन् । त्यसले गर्दा मनमा डर थियो ।' उनले भनिन्, 'उनलाई हेरेर खेलको योजना बनाएको थिए । जे सोचेको थिए, त्यही नतिजा निकाल्न सफल भए ।'

जितसंगै उनले आमालाई सम्झिईन् । १० बर्ष अघि आमाले उनलाई छाडेर संसारबाट बिदा लिएकी थिईन् । उनले बुधबारको स्वर्ण उनै स्वर्गिय आमामा समर्पित गरिन् ।

'गेम खेल्नु हुदैन, हात खुट्टा भाँचिन्छ भन्नु हुन्थ्यो । तर गेम खेलेरै म यहाँसम्म आईपुगे ।' भावुक हुँदै अनुपमाले भनिन्, 'यो स्वर्ण आमाकै लागि हो ।'

बुधबार अनुपमाले रचेको ईतिहासको जग माओबादी काल खण्डमा बनेको हो । पीएलए क्लबले त्यसलाई आकार दियो । उनले विस्तारै खेलकुदमा सपनाको पंख हाल्दै आईन् ।

त्यसो भए अनुपमा विगतलाई कसरी समिक्षा गर्छिन् त ?

'पीएलए क्लबबाट खेलकुद भन्ने थाहा पाए । बुझ्न पाए । खेल्न पाए । सिक्न पाए । क्लबले नै यहाँ सम्म आए भन्ने लाग्छ ।' उनी यसै भन्छिन् ।

Image may contain: 1 person, standing

माओबादी युद्ध उनको रहर थिएन । केही बाध्यता अनि धेरै विवशता थिए ।

क्रान्तिको मोर्चामा सामेल हुँदा उनले पढाई छाडिन् । बाल्यकाल गुमाईन् । जिवनमा कति कति चिज छुट्ने पुगे, त्यसका हिसाबै भएनन् ।
अब त युद्ध गर्ने पाटी नि रहेन । न त त्यसको अस्तित्व ।

युद्व सकिएको नि धेरै बर्ष भैसक्यो । तर युद्वका प्रभाव समाजमा अझैपनि बाँकी छन् । अघि अघि विभिन्न रुपमा प्रकट भैहाल्छन् । अनुपमाको स्वर्ण त्यसैको रुप हो ।

शान्ति प्रक्रियाको अवतरणपछि माओबादी युद्धको राप ताप बिस्तारै सेलाउँदै गयो । तर यसले छाडेका घाट समाजमा अझ पनि उस्तै छन् ।

अब त बिद्रोहबाट आएको शक्ति नि अस्तित्वमा रहेन ।

एकताका नाममा सबै विलिन भै गयो ।

अस्तित्व विलिन हुँदैमा समाजमा क्रान्तिका अवयवहरु कसरी हराउन सक्छन् ? अनुपमाको स्वर्णले पुन त्यो युद्वको सम्झना गराईदिएको छ ।

बुहारी गणतन्त्रका नेतृत्वकर्ताले के यसलाई सम्झिएका होलान् ?

Bhat Bhateni

प्रतिक्रिया दिनुहोस् (0 comments)

Facebook Comments Plugin

थप समाचार (More News)

सच्चिएर सामाजिक सञ्जालमा फर्किएका हुन् एन्फा अध्यक्ष र महासचिव ?

सच्चिएर सामाजिक सञ्जालमा फर्किएका हुन् एन्फा अध्यक्ष र महासचिव ?

भविष्य खोज्दै बंगलादेश लागे नेपाली खेलाडी

भविष्य खोज्दै बंगलादेश लागे नेपाली खेलाडी

अझै भेटिदैनन् एन्फा अध्यक्ष र महासचिव !

अझै भेटिदैनन् एन्फा अध्यक्ष र महासचिव !

Bhat Bhateni
फुटबल खेलाडी संघको विधान पारित

फुटबल खेलाडी संघको विधान पारित

फ्राइलिङ्कले १३ बलमै हाने अर्धशतक

फ्राइलिङ्कले १३ बलमै हाने अर्धशतक

वेस्ट इन्डिजसँग सिरिजमा खेल्न जाने टोलीको बिदाइ

वेस्ट इन्डिजसँग सिरिजमा खेल्न जाने टोलीको बिदाइ

बंगलादेशसँग नेपालको लज्जास्पद हार

बंगलादेशसँग नेपालको लज्जास्पद हार

खेलकुद मन्त्रालय सम्हाल्न चाहँदैनन् पारस

खेलकुद मन्त्रालय सम्हाल्न चाहँदैनन् पारस

स्पेन एक दशकपछि फिफा वरीयताको शीर्ष स्थानमा

स्पेन एक दशकपछि फिफा वरीयताको शीर्ष स्थानमा

‘होम म्याच’ विदेशमा खेलाउने निर्णयप्रति एन्फा कार्यसमितिकै असहमति

‘होम म्याच’ विदेशमा खेलाउने निर्णयप्रति एन्फा कार्यसमितिकै असहमति

जेनजी आन्दोलनले स्थगित गरेको राष्ट्रिय टिमको प्रशिक्षण पुनः सुरु

जेनजी आन्दोलनले स्थगित गरेको राष्ट्रिय टिमको प्रशिक्षण पुनः सुरु