काठमाडौं । मनाङ मस्र्याङ्दी क्लबले आक्रमक मिडफिल्डर जगजित श्रेष्ठलाई क्लबमा भित्राएको छ ।
पछिल्लो समय अष्ट्रेलियामा ब्यवसायीक फुटबल खेल्दै आएका जगजितलाई मनाङले नयाँ सिजनका लागि क्लबमा ल्याउने भएको हो ।
उनी गत बैशाखमा समेत विश्वकप छनोटको प्रारम्भिक प्रशिक्षणमा सहभागी हुन नेपाल आएका थिए । यस्तै गत बर्ष असारमा साफ च्याम्पियनसिपको बन्द प्रशिक्षणमा समेत उनी सहभागी थिए ।
गत बर्ष घरेलु फुटबलमा नदेखिएका जगजित नयाँ सिजनको लिग मनाङबाट खेल्ने निर्णय गरेका हुन् । सोही अनुसार उनी क्लबसंग सम्पर्कमा थिए ।
उनलाई क्लबले साढे तीन महिनाका लागि अनुबन्धन गरेको हो ।
‘तत्काल लिग अवधिभरका लागि अनुबन्धन गरेका छौ । उनी नयाँ सिजन मनाङबाट खेल्नेछन् ।’ मनाङका एक पदाधिकारीले खेलपाटीसंग भने ।
राष्ट्रिय फुटबल टिमका पुर्व खेलाडी समेत रहेका जगजित कुनै समय घरेलु फुटबलका स्टार मिडफिल्डर हुन् ।
आक्रमक मिडफिल्डरको परिचय बनाएका उनी घरेलु फुटबलका गतिविधि शुन्य हुँदा अष्ट्रेलिया हानिएका थिए ।
उनले घरेलु फुटबलका लोकप्रिय क्लब मनाङ, थ्री स्टार, फ्रेन्ड्स लगायतका क्लबबाट ब्यवसायीक फुटबल खेलिसकेका छन् ।
-1746894755.jpeg)
