काठमाडौं । उपराष्ट्रपति नन्दबहादुर पुनले एभिसी सेन्ट्रल जोन सिनियर महिला भलिबल च्याम्पियनसिपको उपाधि विजेता राष्ट्रिय महिला भलिबल टिमलाई बधाई दिएका छन् ।
बंगलादेशमा भएको प्रतियोगिताको उपाधि जितेर ईतिहास बनाएको भन्दै विजेता टिमलाई उपराष्ट्रपतिले बधाई दिएका हुन् ।
उनले उत्कृष्ट स्पाईकर चुनिएकी प्रतिभा माली सहित व्यक्तिगत रुपमा उत्कृष्ट प्रर्दशन गर्ने खेलाडीलाई धन्यवाद दिएका हुन् ।
सिमित स्रोत साधानका बाबजुत राष्ट्रिय महिला भलिबल टिमले उत्कृष्ट प्रर्दशन गरेर राष्ट्रको गौरव र प्रतिष्ठा बढाएको भन्दै आसन्न सागमा उत्कृष्ट प्रर्दशन गर्दै उपाधि जित्ने विश्वास व्यक्त गरे ।
उनले खेलकुद विकासका लागि सुविधा सम्पन्न खेल मैदान निर्माण गर्नुका साथै लगानी वृद्वि गर्न सबै पक्षको ध्यानकर्षण गराएको उपराष्ट्रपतिका प्रेस संयोजक मनोज घर्तिमगरले जारी गरेको बिज्ञप्तीमा उल्लेख छ ।
-1757154871.jpeg)
